السلام عليكم...
صارلي شي ساعه جايه من عند الدكتووره واااااااااااخ شو صار معي
تعالو شوفو شو صار

في البدايه انا عندي ولد عمره سنتين و9 شهور وبنوتي عمرها 9شهور
وحكيت بعدها لازم أريح
أخدت حبوب منع حمل تاعت الرضاعه وما كانت تيجيني الدوره"الله يكرمكم"
قلت أول ماتيجي بدي اروح اركب اللولب
وفعلا الاسبوع الماضي اجت
ومبارح رحت ركبت اللولب ............
ركبته في مركز صحي بعد التركيب حكتلي الدكتوره الرحم عندك تعبان واحمر بعدين بتحكيلي مش مشكله بما انك نفاس
بقولها انووووووووووووو نفاس انا بنتي عمرها 9شهور بتحكيلي بالله كل فكري انك نفاس
الله ييعطيها العافيه
بعدين تقلي ولادتك كانت صعبه شي ؟؟ قلتلها لأ الحمدلله وشو الخياطه بتسأل بقلها ماااااااااااااا بعرف الي بعرفه انو ماحكولي انه عندي شي بيخوف
بتحكيلي لازم تعملي مسحه للرحم طبعا انا خفت ونشف دمي
بقلها شو مسحة الرحم هاي ووين بتنعمل وليش وووووو
طبعا شافتني خفت بلشت تهدي فيي وتقلي مافي شي بيخوف بس
ضرووووووري تعملي المسحه
وطبعا داااااااااااااااااااااايخه طلعت من عندها دايخه وحالتي حاله

وضليت طول مبارح دااااااايخ ونايمه من التعب والخوف

روحت عالبيت حكيت مع دكتوره خاصه بدي اخد موعد مشان المسحه
بتسألني ليد بدك اياها كم عمرك بقلها 25
استغربت هي عأساس الي بيطلبها الستات الكبار
المهم قلتلها قصتي ...
حكيت خلص بكره بروح عليها
اليوم صبحت رايحه عالدكتور وميته خوووووووووووووف
عأسا س الي بيطلب المسحه بيكون شاكك بأمراض ومنها المرض العاطل"الله يعافينا ويعافيكم"
المهم
دخلت وقلتلها قصتي وفحصتني.............
وحكتلي
انت معاكي التهابات كتييييييييره
ولما ركبت اللولب دخلتلك كل الالتهابات والافرازات لداااااااااااااااااااااااخل الرحم جوه
تخيلووووووووووووووو

بتحكيلي
المفروض قبل ماتركبي اللولب عملتلك فحص
1- الالتهابات
2- فحص الحمل


بتقلي تخيلي طلعتي حامل وركبتي لولب والالتهابات كمان هاي مشكله كبيره

اول شي عملته شالت اللولب
مبارح ركبته واليوم شلته اااااااااااخ ااااخ

واليوم 9 يوم للدوره تخيلو بحياتها مامدت معي لهلأد
حكتلي ان شاء الله يومين ويوقف الدم مع الادويه
وبس تنضفي ترجعيلي واشوف شو صار معك
اذا بتحتاج المسحه او لأ

واعطتني قاااااااااااااااائمه من الادويه
اه صح
لما فحصتني بتحكيلي مع الوصف كنت مفكره معك قرحه للرحم بس الحمدلله مافي شي هيك....
بس شو خوووووووووووووووووفه مرتبه
مبارح ركبت اللولب واليوم شلته
وقائمه من الادويه لو تشوفو بس
وحكتلي الدوا منع الحمل استمري عليه
وسلاااااااامتكم....

شايفين شو صار معي حبيت اقلكم تجربتي للافاده
والله يكون بالعون ......

الله يعينك حبيبتى ويعافيكى يارب

الله يعطيك الف عافية ويقويك

وسلامتك من كل شر
شكرا لكتابتك تجربتك ونصائحك الرائعة


طيب انت ماكنت تشعري باي شي مثلا افرازات لونها مختلف
او الم اسفل البطن ؟

بارك الله فيك على نقل تجربتك لتفيد الاخوات
ولهذا السبب اكره اللولب واخاف منه
ومستمرة على الحبوب رغم انها تحبس الماء بجسمي
بس اهون من اللولب ومخاطره
جوزيتي خيراً والله يعافيك ويشفيك

ض

كتبت بواسطة ام سهيل

الله يعطيك الف عافية ويقويك

وسلامتك من كل شر
شكرا لكتابتك تجربتك ونصائحك الرائعة


طيب انت ماكنت تشعري باي شي مثلا افرازات لونها مختلف
او الم اسفل البطن ؟

لا ماكنت حاسه بوجود التهابات ولا وجود أي علامه
انا بحملي الاخير كانت الالتهابات وقلتلي الدكتوره بتنشط عندك بالحمل
واتعالجت منها وخلصنا وكل فكري اتها راحت
وهدا الي صار
قدر الله وماشاء فعل

عفكره الدكتوره الي ركبتلي اللولب بعد ماقلتلي بدك مسحه قلتلها يعني ممكن السبب التهابات قلتلي لأ
وسبحان الله

كتبت بواسطة ام مرمر و ليلو

بارك الله فيك على نقل تجربتك لتفيد الاخوات
ولهذا السبب اكره اللولب واخاف منه
ومستمرة على الحبوب رغم انها تحبس الماء بجسمي

العفو منك....
بس ممكن توضحيلي ايش يعني تحبس الماء بالجسم
لاني مبارح حسيت في شي غريب"بما اني ما اخدت حبة المانع" طول مبارح رايحه جايه عالحمام "الله يكرمك"
في علاقه بالموضوع اشي...؟؟؟

كتبت بواسطة hadeel-mf

العفو منك....
بس ممكن توضحيلي ايش يعني تحبس الماء بالجسم
لاني مبارح حسيت في شي غريب"بما اني ما اخدت حبة المانع" طول مبارح رايحه جايه عالحمام "الله يكرمك"
في علاقه بالموضوع اشي...؟؟؟

لابتحبس الماء يعني يزيد وزنك
بس الزيادة نتيجة الماء بالجسم
وتحسي حالك تصيري عصبية حبتين
لاتقلقي لانه مش كل وحدة تنطبق عليها هالاعراض
وفي كثير ينحفوا على الحبوب

سبحان الله

الطب في الدول العربية للأسف مش متقدم

انا ما شاء الله جبت بنتي رقم 3 وقلت بدي ارتاح وفعلاً صبرت لصار عمر بنتي سنة ونصف رحت..... قالت لي الدكتورة لازم قبل ما نركّب اللولب اعمل لكِ التراساوند وبعدها من تلك النقطة بندأ بالاجراءات ا للازمة وبعدها عملت الالتراساوند ووجدوا كيس صغير عندي حجمه 1cm ولكن قالت لي الدكتورة لا استطيع ان اركب اللولب الا عندما يختفي الكيس والطريقة لاخفاء الكيس هو اخذ الحبوب او ازالته جراحياً وبعد ان يختفي نركّب اللولب.

يا جماعه
الحقووووووووووووووووووني
مش عارف شو اعمل

اليوم ال10 للدوره تخيلوووووووووووو
كانت قطرات بس من مبارح واليوم مش طبيعي الوضع
زي كإنها اول يوم
هو انا مبارح شلت اللولب معقول مشان هيك
؟؟؟؟؟؟؟؟؟؟؟؟؟؟؟
برن عالدكتوره السكرتيره بتقلي طوااااااااااااااااارئ الدكتوره عندها
صرت رانه مرتين وعالفاضي

مبارح بعد ماروحت من عند الدكتوره اخدت دوا اسمهAZOMYCIN
4حبات مره وحده بعد الاكل بساعتين
ونفس الشي اخد زوجي متله
وماتتخيلو التعب بعده ااااااااااااااخ
والله هلكت
حكت الدكتوره هاليومين بتنضفي يعني مبارح واليوم
وشايفها زااااااااااااادت
واليوم بلشت ب دوا اسمه SUPPLINE
وعأساس بكره بكون نضيفه وببلش GYNO-PEVARYL

شو اعمل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معقول هدا نزيف؟؟؟؟؟
الي عندهاا علم في الموضوع ياريت تساعدني
وشكرا...........

الف سلامة عليك
يمكن من اللولب
انصحك تروحي للطبيبة وتفهمي شو سبب هالنزيف
والله يشفيك
وطمنينا عنك غاليتي