السلام عليكم ورحمة الله وبركاتة
اخواتى الحبيبات
ليا استفسار سريع مع انى مش عارفة اذا كان هنا مكانة الصحيح ولا ركن الامومة
انا الحمد لله ربنا اكرمنى بخنين حبيبة قلبى عندها دلوقتى سنة وشهرين اهية ... ربنا يحميها
ندخل فى الموضوع
انا كنت مركبة اللولب الاول ... بتاع وزارة الصحة ... او زى ما الدكتورة قالتلى ( بتاع الحكومة )
والصراحة تعبت منة جدا جدا
كانت الدورة بتجينى15 يوم ... واطهر 10 او 15 يوم وترجع تجينى تانى
وكانت بتجينى بوجع رهيب
والله طلق بالظبط كأنى بولد من جديد ... والوجع دة يسستمر معايا 4 او 5 ايام ... وطبعا الدم بيبقى غزير من اول يوم لأخر يوم
فضلت مركباة حوالى 6 شهور وبعد كدة مقدرتش استحمل وشلتة
وقعدت حوالى 3 شهور من غير اى موانع
ودلوقتى رحت الصحة تانى وادولى حبوب ميكروسبت
انا الصراحة مرعوبة منها
علشان فية ناس قالولى ان هرمونها ضعيف ... وناس قالولى انها بتقلل اللبن ... وانا لسا طبعا برضع
فمش عارفة بقى اعمل اية
مع العلم انى من اول ما ابتديت آخدها وانا بحس انى اكرمكم الله بدخل الحمام كتيييييييير
ودايما حاسة بغثيان ودوخة وخصوصا بعد الاكل
اصحاب الخبرة ياريت تفيدونى برأيكم
انا طبعا مش عايزة حمل دلوقتى
على الاقل لما بنتى تكمل السنتين ان شاء الله
ياريت تفيدونى
الروابط المفضلة