ازيكم يا بنات ....المنتدى وحشنى بجد وبيفكرنى بحملى التانى اللى الحمد لله جه بعد طوووووووول انتظار وبتهيألى فى منكم فاكرنى .........والله ربنا غالم انا بحب المنتدى ده اد ايه وبحب كل اللى فيه بجد انتو اخواتى التانيين وكنتو معايا خطوة خطوة فى حملى التانى....
عايزة اقولكم على موقف ماقدرتش احكيه لحد غيركو وعايزة اسمع رأيكو فيه ....
طبعا انا الحمد لله عندى ولدين ربنا يخليهم ليا ويحفظهم من كل سوء والحمد لله من اول حمل ليا وانا كان نفسى فى بنت وربنا قسم بالولد والحمل التانى كنت حتجنن على بنت وبرضه الحمد لله ربنا كرمنى بولد تانى طبعا زوجى الحمد لله بيحب الولاد واكتفى بكده ومش عايز تانى حاليا ....
المهم كنت اول امس فى فرح ويشاء ربنا انى اشوف بيبهات بنات صغننين ربنا يخليهم ويحميهم لأمهاتهم بس حسيت للحظه انى نفسى احمل تانى ممكن ربنا يكرمنى بالبنت اللى بتمناها
المهم حصل موقف حسيت فيه انى لازم اجرب تانى
كان معايا اسة فيها 4 بنات وشفت البنات ماشاء الله حنيتهم مع ابوهم وامهم ......احساس نفسى احسه لما اكبر ....حتى زوجى لقيت نفسى ببصله وبقول فى سرى ربنا يكرمك ببنت عشان تعرف احساس الحنيه ده ......
المهم مش حطول عليكو رجعت وصليت الفجر وانا بصلى لقيت نفسى ببكى من قلبى بكا شديد وبدعى ربنا يكرمنى ببنت ومايحرمنيش من نعمه البنات وبكيت لحد مانمت ..... اتكلمت مع زوجى وطلبت منه نجرب تانى والحمد لله على كل اللى يجيبه ربنا بس انا عندى يقين برب العالمين ومتفائله انه ان شاء الله ممكن اجيب بنت.........
ايه رأيكم يا بناات ؟؟؟ ادعولى ادعولى ربنا يكرمنى ببنت صالحه تقر عينى وافرح بيها
الروابط المفضلة