السلام عليكم ورحمة الله وبركاته
من أسبوع حللت دم وطلع حمل ضعيف لانه كان قبل الدورة باربعة ايام وذلك على طلب الدكتور لاني كنت تعبانة كتير
المهم الحمد لله الدورة كانت اخر مرة ا3/6 وما جات هالشهر وكان عندي اعراض وحام من غثيان ودوخة ووجع ظهر
اليوم وفجأة جاني مغص شديد شوي وانا ريحت حالي عالاخر لحتى راح قمت عادي
ولما دخلت اتوضا الله يعزكم لقيت دم وقطع صغيييييييرة كانها جلد او مادة مخاطية
على طول اخدت حبة يتروجستان لاني كنت باخدها على طلب الدكتورة حبتين باليوم من اول ما عرفت بالحمل
ولما اتصلت فيها قالتلي خدي ابرة برونتوجست وفعلا اخدتها بس هي ما عارفة اجهضت ولا لأ قالتلي حللي بكرة دم وتعرفي
حاليا المغص خف بس الدم مستمر عادي احمر
هل سقط الجنين ام لسا فيه أمل
ما عندي صبر لبكرة جاوبوني الله يخليكم

والله ماعندي خبره
لكن مدام قطع دم وبينزل عليكي دم احمر فمعناتو اجهاض
روحي اعملي تحليل وطمنينا
وربنا يكرمكي ان شالله لاتنسي تطمنينا ياعسل

يارب يثبتلك حملك انا صديقتي في اول حملها صار عندها زي حالتك بل واكثر اقرب للنزف ورحنا للدكتور وحكيناله واجزم انه اجهاض ورحناعملنا سونار وحتى الدكتور استغرب الجنين كان موجود واول مرة نسمع نبضات قلبه سبحان الله ما تخافي حبيبتي انشالله ما في غير كل خير بس احنا هون بالظروف هاي نذهب في اي وقت للطوارئ ويعملوا سونار ويطمنوني

حبيبتي لا تستنين لبكرة الحين روحي للطوارئ عادي حبيبتي احيانآ يصير كدا ويبقى الجنين بس علشان ترتاحين روحي افضل

ويارب ياكريم ثبت حملها ويسر امرها ,,,,

شكرا سوسو عالرد وانشالله اطمنكم
mishmish الله يسمع منك ويكون مو اجهاض لانو الدم مستمر وهو احمر بس مافي قطع بس اول قطعة صغيرة نزلت
يارب اكون زي صديقتك و يثبت حملي
مع انو احساسي يقول انه نزل
الله يطمنك حبيبتي

تسلمي سعودية حبببتي
بس انا في منطقة بعيدة ما فيها طوارئ لازم استنى للصبح
شكرا على الدعاء الله يسمع منك

يا بنات لا تنطنشوني
عطوني اراء اكتر الله لا يسيئكم
ولا يبتلي ام بجنينها

الف سلامه عليكي وعلي البيبي
لازم تروحي للدكتوره تشوف الوضع
ان شاء الله خيرا
طمنني عليكي

واالله يا بنات ما برعف شو اقول
لما صحيت الصبح عملت اختبار منزلي وطلعلي خط واحد
يعني بهالسرعة خلاص حتى الهرمون نزل
حسبي الله ونعم الوكيل اللهم اجرني في مصيبتي واجرني خيرا منها

واالله يا بنات ما برعف شو اقول
لما صحيت الصبح عملت اختبار منزلي وطلعلي خط واحد
يعني بهالسرعة خلاص حتى الهرمون نزل
حسبي الله ونعم الوكيل اللهم اجرني في مصيبتي واجرني خيرا منها