السلام عليكم و رحمة الله و بركاته
حبيت اشرككم معايا في تفاصيل زيارتى الاخيرة لطبيبة النسا زى ما اشركتكم في اسئلتى و الاخوات مشكورات دايما يجابوا و كلنا اكيد بنفيد بعض
انا متزوجة من 3 شهورفقط و مع كده بدات حماتى في السؤال عن الحمل وليه محصلش و كل شوية تفتح موضوع انى لازم اروح اكشف عند دكتور
و حتى من غير كلام حماتى انا من شدة حبى للاطفال من زمان عندى خوف لاكون محرومة منهم لا قدرالله و معرفش اخلف كل ده سبب لى توتر و قلق فظيع خصوصا لما بحسب ايام التبويض واخطط ازاى لازم يكون اللقاءالزوجى و اسال اختى المتزوجة و صديقاتى اعمل ايه انام على ظهرى ولا ارفع رجلى للسقف و نص ساعة ولا 6 ساعات ولا ليلة كاملة حتى يحدث حمل ان شاءالله
لانى متزوجة جديد و مش عندى اى ثقافه عن الموضوع ده اتوترت اكترواكتر و الدورة كل شهرتكون اصعب بالامها و اعراضها الغريبة و اخر دورة كنت مش قادرة اتحملها من الالم و المغص و السخونية و هبات الحرارة و النهجان
فقررت ازور طبيبة نساء علشان تفهمنى ايه ده اللى بيحصل معايا و الحمدلله رحت و الدكتورة طمنتنى ان كل الاعراض الفظيعه دى من التوتر و عملتلى سونار مهبلى و اتطمنت على حالة الرحم و المبايض و معادى عندها بعد 6 ايام ان شاءالله لمتابعه التبويض و لما اروح هقولكم نصحتنى بايه ايام التبويض لان كتير من الاخوات المتزوجات حديثا مثلي بيسالوا عن التفاصيل دى و يارب يارب يرزقنى و يرزق كل اخت تتمنى بالذرية الصالحة امين
وارجوكم كفاية توتر دى نصيحة الدكتورة الوحيدة ليا لان التوتر بيلخبط كيمياء و هرمونات الجسم و
لازم نعود نفسنا على التوكل على الله صح و قراءة القران خصوصا سورة البقرة و كثرة الاستغفارو ربنا معانا
دعواتكم
الروابط المفضلة