الله يكرمكم يا بنات ساعدونى دلوقتى انا اول امبارح صحيت من النوم الصبح عشان ارضع البنت لقيت صدرى اليمين بيوجعنى جداااااا وسخن جيت على نفسى ورضعتها وباعدين رحت المستشفى الدكتور قالى انه احتباس فاللبن مع ان الناحيه دى انا برضعها منها اكتر من الناحية التانيه وكتبلى على مسكن ومضاد حيوي المهم عقبال ماروحت البيت كنت سخنت جداااااااا وجسمى بيوجعنى مش عارفة اقولكم ازاى والله وصداع فظيييييييييييييييييع المهم هو قالى كمان مرضعهاش منه واشفط اللبن اخدت العلاج وحسيت بتحسن شويه وتانى يوم الحمدلله كنت احسن الحمدلله بس النهاردى لسه فى شويه وجع فصدرى واللبن قليييييييييييييييييييييييييل اوى تقريبا مفيش والبنت عماله تعيط من الجوع وانا مش عارفة اعملها ايه هو الدكتور قالى هاتيلها لبن صناعى مؤقتا بس اختى قالتلى لو ادتيها لبن صناعى هتسيب صدرك وهتاخد على الصناعى مش عارفة اعمل ايه
انا نفسيتى تعبانه جدا لو حد يعرف دوا معين يدر اللبن اواكل معين يقولى الله يكرمكم واللى ميعرفش يدعيلى ربنا بفك كربى ويوسع رزقى

السلام عليكم
ربنا يشفيكي
اما بالنسبه للماكولات التي تدر الحليب هي
شرب الماء بكثره
شربة بالدجاج
التمر
السردين
مغلي الشمر (حبة حلاوه)

جزاكى الله الف خير ام انس حبيبتى ربنايكرمك يارب

حبيبتى مروه ربنا يشفيكى يارب ان شاء الله انا اسمع ان شرب اللبن كتير يزود اللبن
و الحلبه كمان و اشربى سوائل كتير و ان شاء الله خير

ربنا يعافيكى يارب
من فترة كانت اخت اسمها ميمى عرضت نفس مشكلتها و اضطرت تدى بنتها لبن صناعى مؤقتا و عادى الموضوع عدى على خير
لو البنت جعانه ومش قادرة ترضعيها اديها صناعى
وحاولى بردو تسالى دكتورة شروق هنا فالمنتدى
والاغذية اللى بتدر اللبن قبل التغذية النوم ثم النوم ثم النوم بيفرق ىجامد حاولى ترتاحى على اد ماتقدرى وبطلى شغل البيت حتى اعملى الحاجات الضرورية بس
وعندك الحلبة بالعسل الاسود اشربيها وكلى الحب الحلاوة الطحينية الفجل والجرجير والماء واى سوائل كتير
وفيه حبوب اسمها هيربانا
وربنا يعافيكى يارب و ترضعى بنوتك طبيعي من تانى الف سلامة عليكى

شفاكى الله وعفاكى
ادخلى موسوعة ركن الحمل والولادة هتلقيها فى الصفحة وشوفى مواضيع الدكتورة شروق هتفيدك جدا
واشربى سوائل وعصاير

شفاكى الله وعفاكى الحلاوة الطحينية اسمع انها حلوة جداااااا

اقرئي هالموضوعين للدكتورة شروق
وراح ابعث لها بموضوعك وان شاء الله اول ماتدخل تجاوبك
كيف يزيد حليبك الطبيعى؟طرق علمية جديدة( 12345 ... اخر صفحة)

التهاب الثدى وانسداد القنوات اللبنية

ماشاء الله الصبايا ماقصرو حبيبتي مروى
الله يشفيكي ياقلبي انتي وترجع بنتك لصدرك وتشبع

وعليكي بالحلاوة بالطحينيه .. اكيد معروفه عندك
والله كنت استعملها وسبحان الله تدر الحليب بصدري در
وكثري السوائل والمي كمان
وطمنينا عنك الله يرضى عليكي

الله يكرمكم يا بنات والله مش عارفة اقولكم ايه جزاكم الله الف خير وربنا يجعله فميزان حسناتكم بارب انا الحمدلله على كل حال جبتلها امبارح لبن صناعى واديتها منه بس بردو بديها صدرى
يعنى انا قولت قبل ما اديها الصناعى اديها صدرى الاول ولما خلاص تجيب اخرة وحسيت بردو انها لسه جعانه هديها الصناعى
ربنا يباركلى فيكم يارب وميحرمنيش منكم ابد