ازيكم اخواتى الحبيبات
انا اخر دوره ليا كانت يوم 20 فبراير وروحت شلت اللولب يوم 2 مارس وحصل جماع يوم بعد يوم فى ايام التبويض واول يومين بطنى وجعتنى جدا وبعد كده ضهرى وصدرى بيوجعونى وجع خفيف يعنى يروح ويجى وساعات احس انى دايخه ونفسى ارجع هل ممكن يكون حصل حمل بالسرعه دى طمنونى بالله عليكم

اه مكن ليييه لا ؟؟؟؟؟؟؟؟؟

شكرا دكتوره نانسى انك رديتى عليا 32 مشاهده ورد واحد شكرا بجد

والله حبيبتي ممكن وممكن عشان اختلاف الهرمون بعد الولب انصحك تعملي تحليل هرموني وربي يكتبلك الي في الخيران شاءالله

اختى صدى الاطلال جزاكى الله خيرا هل ممكن يبان دلوقت فى التحليل مع ان ميعاد الدوره لسه يوم 20

ربنا يكملها على خير وتطلعي حامل ان شاء الله
وليه لا مين عارف
يمكن انتي نشنتي على ايام التبويض مضبوط وضبطت معاكي

اختى دعوه الفردوس تسمحيلى اهنيكى الاول على اختيار اللقب بتاعك حقيقى جميل وتانيا كلامك بجد من القلب وادعيلى

يااااااااااارب انا وانتي وكل الي عايز
ادعيلي انتي كمان انا في انتظارها بقالها يومين متاخره
يارب مااشوف وشها وتغور لمدة 9 شهور وتجيلي بعد الولادة

امين يارب ربنا يكرمك ان شاء انا وانتى وكل اللى عاوز ومايحرم حد ابدا يارب العالمين طب ماتعملى التحليل المنزلى وبشرينى عشان تبقى بشره خير ليا انتى معاكى اولاد انا معايه اياد عنده سنتين وشهرين

انا مش معايا اولاد
وكنت حامل وللأسف ربنا بعتلي ولاد الحلال اللي اتقهروا لما عرفوا بحملي و قلبوها كآبة وعياط وعينهم صابت والحمل نزل
الحمد لله على كل حال

انا خايفه احلل
الانتظار مع الأمل أحلى من اني افقد الامل واتكبس
انا عندي امل كبير اوووووووووووووووووووي
والله أملي في الله بس
والله ظني في الله خير
وان شاء الله ربنا مش هيخزيني ومش هيخيب ظني فيه
بإذن الله ربنا هيجبر بخاطري وخاطك وخواطر كل مسلمه محرومه ومشتاقه للخلفه