سلام يا صبايا
انا تقريبا صارلي شهر امركبه اللولب
ما تسألوني فضي ولا دهبي ولا ابصر شو لاني مش عارفه الدكتوره قالتلي جيبي نوع اسمه NOVA T
جبته وانا مغمضه لا سألت شو ميزاته ولا فاهمه شو القصه بس كان همي اني ما احمل ع الاقل لبين ما بنوتي اتكمل رضاعتها سنتين
من يومين بينزل عليي افرازات بس لونها بني.. مش زي الدوره لا الافرازات العاديه بس لونها غامق
مش عارفه هل هاد يعتبر دوره ولا استحاضه ولا شو بالضبط؟
واصلا هل الدوره رح تيجي بعد ما ركبته لاني ركبته ع ال40 يعني ما كان فيه دوره..وانا بالرضاعه ما بتيجيني الدوره فهل بسببه خلص رح تصير تيجي كل شهر؟
وكيف بعرف انه اللولب متحرك من مكانه ولا ثابت.. وهل في احتمال انه الزوج بيحس بوجود اللولب!!
قريت انه ممنوع حمل اشياء تقيله بس مش عارفه لو حبيت العب رياضه بقدر او لا؟ واني اعمل تمارين معده وهيك امور ولا بيأثر ع مكانه؟
عارفه اني تقلت بالاسئله بس مش لاقيه اجوبه لهالموضوع وحابه استفيد منكم الله يجزيكم الخير
الروابط المفضلة