السلام عليكم ..

ساعدوني يا بنات ..
انا ولدت من 5 ايام .. و من تاني يوم تقريبا بدات الحلمه تتشقق و تلتهب .. و احس بوجع رهيب كل مبنتي تيجي ترضع مني .. بالاول كان الوجع بيروح بعد دقيقه من الرضاعه .. بس هلا صار مع كل مصه من البنت بحس بالألم .. و لمن رحت عالدكتور لفحص البنت قال ان وزنها نازل ولازم ادخل الحليب الصناعي الها مع الطبيعي عشان نسبة الصفراء عندها صارت 12,4 .. مع انها كانت بالاول 7,7 ساعة الولاده .. ولو وصلت ل 16 راح يدخلوها المستشفى يومين .. ولازم تشرب حليب عشان تنزل النسبه .. المشكله اني صرت اخاف ارضعها ... بدي ارضعها و مش عايزاها تخسر قيمة اللبن الطبيعي .. و لمن جبت مضخه عشان قلت يمكن يكون اخف على صدري من البنت .. نزل الدم من الحلمه .. و هلأ اتحولت الحلمه للون الاسود المحروق من كتر المص متل اثار الحرق او الجرح .. و اليوم بالغلط و انا بدي ارضعها كانت الحلمه لاصقه بالثوب و اتقطع جزء من الاسود القاسي و صار محله متل القرحه ..

حد صار معه متلي .. اي كريم استخدمتوا؟؟ انا جربت زبدة الكاكاو و زيت الزيتون و العسل بس ما فاد معي شي ...

بدي كريم طبي او شي من خبرتكم ...

كل ماشوف البنت و هي جعانه بصير ابكي و ابكي ... حاسه حالي مقصره معها و هي بريئه ما الها ذنب غير انها بنتي ...

اولا الف الحمد لله على سلامتك حبيبتي وعلى سلامة العروس ..
تاني اشي انا انصحك تستعملي حلمه بلاستيك .. تحطيها وقت الرضاعه عشان تمنع الاحتكاك المباشر بين فم بنتك وبين الحلمه وهيك تعطيها مجال انها تشفى .. بس حبيبتي جيبيها من النوع المنيح .. في شركه منيحه ما بعرف ازا موجوده عندكم اسمها ميديلا .. هاي شركه منيحه كتيرررر ...

وجربي حطي على الحلمه فيزلين ان شاء الله يساعدك واتمنى اكون افدتك

ربي يشفيكي حياتي
ما عندي فكره

الله يعينك والله صعبه اسمعي اعصري من حليبك وادهني الحلمه سبحان الله حليبك بيعقم الحلمه وفي كمان مرهم بينباع بالصيدليه روحي الطبيب وخليه يكتبلك نوع مرهم كويس والله يشفيك وكمان استخدمي الحلمه البلاستيكيه
وماتخافي بتروقي ان شاء الله والله انا عانيت تقريبا 15 يوم التهبت الحلمه ووكنت اموت وانا ارضع بس مافي اليد حيله كنت اضغط على نفسي المهم بنتي ترضع وتشبع
الله يشفيكي

تعالي ياحلوة ماصارلك خمسة ايام كيف خليتي سدرك يلتهب الضاهرمش عارفة تديها الديس كويس لازم تراجعي الطبيبة وتوريكي ازاي ترضعيها لازم كل الحلمة والون البني الي حولينها تاخدو في فمها وكمان تسمعي صوت الحليب زي الي يشرب من مصاص تبغي مرهم في مرهم اسمودكترين مايضرها لانواصلن لفطريات فم الطفل عبي منوعلى قطنة وبيتي سدرك في وقبل الرضاعة ادهني وخليها تفتح فمها كويس ودخلي الحلمة والدويرة البني كلها في باها عشان تاخد حليب كويس مومية وبنسبة لصفارخدي لبن زبادي وحطي في ملعقة هرد وكلي قبل الرضاعة بنص ساعة ورضعيها ووقفي الحليب في اليل واخررضعة قبل النوم مباشرة وفي اليل اديها يانسون مغلي بيخفف الصفاروينزلو في خلال يومين والله يعينك حبيبتي ويساعدك

انجلينا روحي عند طبيبتك رح تكتب لك علي مرهم رائع يعملهولك الصيدلي وتدهني بيه الحلمه ومفيش خطر علي البيبي لما يرضعه
انا بعد ولادتي علي طول اقول لدكتورتي عليه وسبحان الله من اول دهان يرووح الالتهاب
سلامتك

شوفي هالموضوع للاخت الدكتور شروق
يارب ينفعك حبيبتي
وبالشفاء العاجل
التهاب الثدى وانسداد القنوات اللبنية

انا كنت زيك ماما قالت رضعي الولد كتير والالتهاب يروح وفعلا راح بعد يومين بس في اول يوم اتعذبت وبعدين الحمد لله

كتبت بواسطة rejena

الله يعينك والله صعبه اسمعي اعصري من حليبك وادهني الحلمه سبحان الله حليبك بيعقم الحلمه وفي كمان مرهم بينباع بالصيدليه روحي الطبيب وخليه يكتبلك نوع مرهم كويس والله يشفيك وكمان استخدمي الحلمه البلاستيكيه
وماتخافي بتروقي ان شاء الله والله انا عانيت تقريبا 15 يوم التهبت الحلمه ووكنت اموت وانا ارضع بس مافي اليد حيله كنت اضغط على نفسي المهم بنتي ترضع وتشبع
الله يشفيكي

فعلا الحليب أنفع شيء
ممكن جدا قبل ما ترضعي أنك تغسلي الثدي بالماء الدافيء و تمسحي جيدا لا تحكي
بعد الرضعة اغسلي مرة اخرى و نشفي حطي زيت زيتون مبجر و معتمد ( من مرضعة محترفة : أختك نهلة)
و حاولي تلبسي ملابس داخلية قطنية
و ممكن جدا لما تكوني وحدك خرجي الثدي يتنفس شوية
اهم شيء النظافة
لا تدخلي ثديك بعد الرضاعة أغسلي جيدا
شيء آخر بدلي الجهة في كل رضعة حتى ترتاح الجهة الأخرى
و مبارك المولود الجديد

مشكورين اخواتي عالردود .. المشكله ان ما حد علمني الطريقه الصحيحه للرضاعه .. و القابله بس اجت تعلمني كانت البيبي شبعانه من حليب اعطوها اياه بالحضانه و ما رضيت تشرب مني ..و لمن راحت الممرضه جريت لحالي و شفتها بترضع .. و لمن اجت الممرضه شافتها بترضع .. شكلها قالت ما في داعي للتعليم مادام البنت بترضع ...


انا لو علي بتحمل الوجع .. المشكله ان الدم صار ينزل خلال الرضاعه .. و انا ما بدي اضر بنتي و اخلليها تشرب دم مع الحليب ...

اليوم رايحه عالدكتور عشان يفحص نسبة الصفار بجسمها .. يااااااارب تكون نقصت ... ياربي ما بدي اياهم ياخدوها مني و يحطوها بالمستشفى ...

ادعولي و ادعولها ...