انا يا جماعة والله مش عارفة افكر ولا اقرر خلاص
الحكاية وما فيها
انى عملت مرتين الحقن المجهرى عند دكتور حسام فى جنين والحمد لله طبعا على كل شئ المرتين فشلوا
المرة الأولى طلع حمل كميائى والمرة التانية محصلش حمل اصلا وكان اهمال من دكتور حسام نفسه ودى قصة بقى طويلة مش وقتها دلوقتى ....
المهم
ان شاء الله انا ناوية قريب كمان شهرين ولا حاجة بأذن الله اعيدها تانى
بس
هنا تيجى بقى المشكلة انا طبعا مش عاوزة اهوب ناحية جنين تانى لأن انهرت نفسيا هناك مرتين وكل مرة العملية بتفشل بروح المركز علشان اقابل الدكتور لازم بفرج الناس كلها عليا من العياط بس والله غصب عنى
بس جوزى بيقولى حسام شاطر ومعاه الموضوع من اوله و كمان احنا مجمدين عنده حيوانات منوية واى حد جديد حتبتدى معاه من الأول
ومن الناحية التانية
انا ميالة اجرب اسماعيل ابو الفتوح وبقول اشوف حد تانى وكفاية على حسام قوى مرتين خصوصا ان كل مرة بمبلغ وقدره
انا نفسى حد يساعدنى على التفكير علشان دماغى وقفت خلاص
وصلاة الأستخارة عملتها وبرضه مش قادرة اخد قرار ......
ياريت يا جماعة البنات اللى جربوا مع دكتور اسماعيل او يعرفوا حد جرب معاه يقولولى ايه الموضوع هناك والدكتور اخباره ايه
معلش رغيت كتيييير بس والله حالتى النفسية صعبة جدا
رد مع الاستدلال
مدونتي مطبخ ام مرمر و ليلو
الروابط المفضلة