السلام عليكم

ازيكم يا احلي قمرات في الدنيا وحشتوني ووحشتني اجاباتكم

اللي علطول بتفدني بجد ومش عارفه اشكركم عليها ازاي

المهم الف شكر علي كل اجاباتكم اللي بتساعدني

المهم بأه

انا حامل في اخر الشهر الرابع ومتابعه من دكتور وكاتبلي كبسولات حديد

من اول الشهر ده وروحت لدكتوره تانيه بالصدفه فكتبتلي حديد

وكالسيوم فمش عارفه اخد اقراص الكالسيوم ولا هتبا كتر ادويه

عالفاضي مع العلم اني بشرب لبن وباكل زبادي لكن

ممكن مش يكون كل يوم

فمش عارفه اعمل ايه...مستنيه ردودكم

الف شكررررر

والله يا حبيبتي ما عندي فكرة بس حبيت ادعيلك انه ربنا يتمم حملك على خير
وتولدي بالسلامة وتقري عينك بشوفة طفلك سليم معافى يا رب

حبيبتي هل عملتي فحص دم يبين نسبة الحديد والكالسيوم في الدم؟
أنا أعطتني الدكتورة دواء اسمه pregnant care britsh no 1
فيه كل الفيتامينات والمعادن والفوليك أسيد اللازم للحامل
وعملتلي تحليل دم كالسيوم وهيموغلوبين والحمد لله نسبة الكالسيوم
والحديد في الدم كويسة... لو عملتي تحليل وأعطتك الدكتورة العلاج لازم تاخديه
لأن معناها لقت عندك نقص كالسيوم

أولا / ربى يتمم حملك على خير
ثانيا/كل حامل بتدخل الشهر الرابع بتاخد كالسيوم وحديد مش شرط ان تكون نسبتهم عندك كويسة لان احتياج الجسم بيكون متضاعف وحتى لو بتشربى لبن كتير
ثالثا/نصيحة من أخت متضررة على نسبة الكالسيوم وخدى الدوا علشان البيبي يكون عظامه كويسة وعظمة الجمجمة تكون مظبوطة
لان حصل معاى فى حملى اللى فات ان عظمة الجمجة كانت مفرغة
وربنا يعافى جنينك من كل سوء
أتمنى أكون أفدتك بنصحتى ولاأريد منكى أن تقلقى

حبيبتي لازم تاخديه انا في حملي الاول كنت اخذه ومشالله صحة بنتي كتير منيحه 

وهلا انا حامل وبرضو باخذه كتير مفيد لعظامك وعظام البيبي وسنانك وسنانو 

يعني انتو التنين مستافدين

بالطبع غاليتى لازم تاخديه
الحديد كبسوله بعد الغدا
الكالسيوم قرص بعد العشاء
(لان امتصاصه اكثر بالليل)
ولازم تعرفى انك دخلتى على فتره
هيزيد احتياجك للفيتامينات وخاصة
الحديد والكالسيوم ..
مع خالص تمنياتى لك بالحمل السليم
وتقبلى تحياتى

ربنا يتمم ليكم كلكم علي خير ويباركلكم وشكرا علي ردودكم افدتوني كتير

يعني ممكن برضه اعمل صورة دم للاطمئنان وبعدها اخده حتي لو النسبه كويسه؟؟؟؟؟

اختي لازم تاخذين الكالسيوم لان البيبي خلال الفتره الجايه يسحب الكالسيوم بتاعك

وينقص عندك انتي وهذا ياثر على اسنانك وعضامك وشعرك

لازم تاخذين كالسيوم انا من الشهر الرابع اخذت كالسيوم وحديد

وكل الحوامل الي اعرفهم كذا

انا دخلت الر ابع والدكتور كتب لي حديد وكالسيوم
وكل الحوامل يحتاجوه
ربي يسهل عليك الحمل والولاده

كل حامل من الشهر الرابع بتبلش تاخذ حديد وكالسيوم
ومامنو ضرر باذن الله
وحتى من غير ماتعملي فحص دم
لان ا لطفل بيحتاج والزيادة بتخرج خارج الجسم
هذا كلام الدكتورة
بس حاولي لما تاخذي الحديد تاخذيه على الغداء مع عصير برتقال علشان يساعد على الامتصاص
وتاخذي الكالسيوم قبل النوم
لانه سبحان الله اثناء النوم بيمتص
وربي يتمم حملك على خير