السلام عليكم ورحمة الله و بركاته
حبيت اطرح موضوع
نشوف فيه الحوامل وقت الولادة واجاهم الطلق شو كان مشاعرهم وهيك .... يعني نشوف مشاعر بعض وهيك
كل وحدة تقول كم مرة حملت وكل مرة لما جاها الطلق شو كانت تعمل وشو عملت بعديها وشو كان احساسها
انا حملت مرتين في المرة الاولى ابني فهود كان ليلي نها رونهاري ليل فكنت رايحة انام الساعة 6 الصبح وكان يوم 18 وفايت عموعدي يومين
لسة اجيت اسهى واجاني وجع زي الم الدورة بس قبلها كان ييجي وجع كتير متفرق بس ماكنت احس نفسيا انو ولادة
بس هالمرة حسيت انو خلص حانت لحظة الصفر والولادة
وادركت انو ولادة وطلق لانو كل شوي يرجعلي وماعرفت انام مسكيييييييييينة كان زي الم الدورة طبعا صحيت و خبرت زوجي في الشغل وبعدين نزل دم وتاكدت انو خلص حولد يعني حولد ومتتت خوف
وضليت رايحة جاية ورحنا الدكتورة المغرب وفحصتني وقالت لسة الرحم مش متوسع وضليت هيييييييك وبالليل بدا العزاب والتقلب على الجمر من شدة الالم واستمريت لغاية مبطلت عارفة امشي وخللللللللص رحنا المستشفى الساعة 7 الصبح والحمدلله ماطولت اجيت وانا منتهية من الطلق وشدته ودخلت اولد 9 الا تلت وولدت 9 وتلت الحمدلله ماشاءالله لاقوة إلا بالله تبارك الله
المرة التاني بنتي فوز
كنت برضو فايتة موعدي كان موعدي 31-4-2010 وبس يومها كان التاريخ 3-5-2010 وواقفة بطبخ فاصوليا بالصلصة للغدا وخلص صبيت الغدا واجا ذك الالم اياه الي مغصة تحسسك انو حتولدي مش من شدتها لا بس شكلها بتحمل هرمونات للمخ بتفهمك انك حتولدي
وتجاهلت قلت لالا بدري .......... كيف بدري وفايت 3 ايام مابعرف
وتغديت وقلت لزوجي وقلي نشوف كيف
ورحت خفت قلت اروح اولد والمطبخ مش مشطوف الشطفة اليومية فقلت الحق حالي واشطف ... شايفين بالي في شو
والعصر قعدت عاللاب توب وعالوجع مش راضي يروح زي وجع الدورة برضو
واشرب نسكافيه
وابني بتنطط حواليه
وادركت بعد ذك انها ولادة وصرت خايفة و مش مستوعة كنت خايفة
ومر الوقت ونيمت ابني و كالعادة بدا بالليل الوجع يشتد و يعصفففف بية و صرت اتقلب واتلوى
ومارضيت اروح المستشفى برضو الا وانا مخلصة عشان مابحب اضل في المستشفيات
6 الصبح كنت خلص صرت ابكي من الالم وماعدت اقدر امشي ونزل الدم برضو ورحنا ودخلت الولادة 8 و شوية و8 ونص ولدت بنتي الجميلة ماشاءالله لاقوة إلا بالله تبارك الله
وخلص هي مرتين ويلا السلامة المرة التالتة ان شاءالله بعدين بعدين خلص تعقدنا هههههههههههههههه بحاول حتى اني اتجنب الاختلاط بالحوامل لحسن انعدى منهم
بس مشاعر غريبة ومخيفة و احساس انو خلص حولد يعني حولد فش فايدة هههههههه
شاركونا
الروابط المفضلة