ابكي كلما اقترب موعد سفري وزوجي لعند اهلنا
انا وزوجي ساكنين في بلد واهلي واهله في بلد
يمكن تقولوا قاسيه مش عايزه تشوف امها وابوها
اقولكم ان امي وابي ييجوا يزورونا ولا اشبع منهم
وعلاقتي كويسه جدااا مع اهل زوجي
ولكن قلبي مفطور انا في غربه وكل ميجيني تلفون يسالوا عن حملي
اقول يارب ربنا هيكرمنا قريب
تخيلوا اروح اول ما انزل عند اهل زوجي لان هم الاقرب ييجوا القرايب
ويسلموا علينا وظرات الحسره ولا تيجي وحده بولدها وتقعده بالمقلوب وشه مش باين حركات قرعه انا ما يملا عيني غير ولدي اللي انتظره ولا عمري هتمنى حاجة غيري
ومره تيجي فلانه تقولي اخبار التوم اللي ولدتهم مرات اخوكي اقولها ما شاء الله واوصف كيف حلوين وعملوا كذا وياجمالهم وزوجي يحبهم
تقولي بس ياختي تحسدوهم انتي وزوجك اقولها كيف احسد ولاد اخوي
تقولي والله تحسديهم اقولها انا اتمنى ان اخوي يملا الدنيا صبيان لان ابوي وحداني مش مصدقه مصره اني احسدهم لا حول ولا قوة الا بالله
مثلا اجت ام سلفتي تتصل تسال عن بنتها قولتلها نزلت هي وحماتي تسالني وفين ولدها الصغير اقولها سايباه هنا
اتفزعت سايباه معاكي انتي ؟؟ لهجه حاده وكانها مصيبه قلتلها لا هي سيباه مع زوجها هوهنا مع زوجي
مصيبه اني مبعرفش ارد من الصدمه
ده غير ان ابر التنشيط والكلوميد زودوا وزني وهاتك يا تعليقات بايخه وانتي كل شويه تعملي رجيم وترجعي تاني
حتي وانا عامله رجيم وخسيت جااامد تحلفلي سلفتي والله هترجعي اتخن من الاول <<وفعلا رجعت تخنت تاني بسبب فرط التنشيط
وكل مره وانا مسافره اقولي يارب نفسي مرجعش البلد الا وانا حاامل الحمد لله
ربنا كاتب لنا الخير وراضيه ياربي وطامعه في كرمك ورحمتك
مواقف عصيبه وكلام جارح
ولما اروح بيت ابي وامي تدعيلي قلبي يتقطع
وامي حبيبتي ربنا يخليهالي طيبه جداا لدرجة تقولي خلي بالك علي زوجك ليتزوج عليكي وانتي مش حاسه ابكي واقولها ليه تقولين كده وانتي تقولي انه اغلي واحد من ازواج بناتك ولا الاقي الرد
والمره اللي فاتت جات الخادمه بتاعه امي تقولي ربنا يرزقك والله ما حد جايب لامك
القلب والسكر الا زعلها عليكي طب ليه الكلام اللي يوجع القلب ده ادعولي قدامي او من ورايا بدون تعليقات تمرر عيشتي
وحتي اولاد اخواتي ليه مش معاكي نونو
اعرف وجعت دماغكم بس انا فتحت الموضوع عشان اتنفس
هربت من السفر العيد اللي فات وجولي اهلي بعدها
طب العيد ده اعمل ايه والله كانه حجر علي صدري وكمان خطوبة اخويه لازم احضرها
زايد وزني وراجعه حضني فاضي وكل مره كنت اشتري فساتين ولعب لابن سلفتي اللي بموت فيه لكن المره دي لا لان حماتي حلفت اني مشتلريلوش حاجه من زعلها عليا لاني اخر مره جبت له عربيه لما م يتفسحوا في بلدنا وامه اللي هي سلفتي سابت العربيه وسمعتها تقول زوجها ان دمها تقيل وعملت نفسي مسمعتش حاجه لكن حماتي حبيبتي خلتهم اعتزرولي
ومواليد جدد لاقاربنا لازم اروح ابارك واتحمل النظرات والكلام الجارح ولازم اشتري فستان لبنت سلفتي الجديده اللي هيه لازم تعيب عليه
ولازم اروح خطوبة اخوي واتصور وانا جسمي كله منفوخ من الحقن والهرمونات
ولازم ابكي من كلام امي الحنونه
ولازم اغمز زوجي عشان ميسرحش في اصفال قرايبنا وهو بيلعب معاهم
وامهاتهم يخافوا عليهم
ولازم اشتري هدوم جديده للسمينات عشان جسمي اللي بقه منفوخ
ولازم اضحك واسهر وانا مبسوطه وتيجي سلفتي تسالني ليه اختك محملتش اقولها عشان بتاخد منع حمل وهي معاها طفلين ولازم تخاف علي ولدها وبنتها مني وتاكله من وراي مع ان ولادها رفيعين جداا وعندي اطفال عيلتنا ما شاء الله
ولازم يودوني عند دكتور جديد من بلدنا وانا برضه لازم مخدش علاجه لاني مش مقتنعه
هرجع تاني بس عشان افضي الهم اللي جوايا واقول الحمد لله رب العالمين واني راضيه بقسمة الله بس لو الناس يفهموا
الروابط المفضلة