ازيكم يا اخواتى
انا حامل فى طفلى الثالث وما عرفتش انى حامل غير فى نص رمضان فرحت قوى ساعتها كمان لانى فى اول مرة فى حياتى هصوم رمضان كامل وكمان الصيام هيريحنى من القىء والغثيان
فى الاول كنت بحس بالام فى الظهر واسفل البطن وبعد الفطار ما اقدرش اكل قوى لانى ممكن يحصل لى قىء
على اخر رمضان وبداية العيد كل اعراض الحمل اختفت حتى الالم اختفى وبقيت احس بأفرزات كتير قوى عليه بس لونها طبيعى وبقيت بحس كان فى مياه بتنزل عليه بس مش كتير لكن تحسى كانك اتبليتى فجاة وبقيت بحس ان فى نغزات كده اسفل البطن واحيانا بتقل فى المنطقة ديه واحيانا بتزيد
اللى قلقنى ان ده مش الطبيعى بتاعى فى الحمل انا وحمى ماركة مسجلة وبعدين انا لسه ما خلصتش التلات شهور الاولى
انا عندى ولد وبنت وولدتهم طبيعى وكنت بتعب جدا مع الوحم فى اول الحمل
المرة ديه انا مش حاسة انى حامل خاااااااص
يا ترى ده طبيعى عشان ديه المرة التالتة لى ولا لا
ياريت لو حد حصل كده يطمنى
الروابط المفضلة