السلام عليكم ورحمة الله وبركاته
كل عام وانتم بألف خير يارب وينعاد علينا وعليكم بالخير والصحة والرزق يا رب
رمضان كريم عالجميع
أخواتي الغاليات حبيت استشيركم بوضعي لأن والله تاعبني وتاعب زوجي وأهالينا
متل ما بتعرفو أنا حامل بنص الشهر الخامس الحمد لله بأول ولد .. لكن من نص الشهر التالت وأنا بعاني من موضوع هبوط المشيمة وكل الدكاترة بتخوفني وبتقلي لازم أرتاح وخفف جماع وانتبه ع حالي كتير و.. و.. و...
مبارح رحت المشفى وعملت الترا ساوند للبيبي عشان اتطمن .. للأسف نفس الكلام وانا متابعة مع أكتر من دكتور عشان اتطمن أكتر والكل بيقول نفس الكلام ... وأنا والله العظيم بنتبه ع حالي كتير ومريحة نفسي حتى من شغل البيت عندي مين ينضف ويشتغل بس بطبخ وبهتم بالأمور العامة
وبيقولولي الدكاترة انو لازم ترتفع المشيمة قبل الشهر السابع والا الوضع بيصير أصعب وبيضطرو يعملو ولادة قيصرية عشان ما يختنق البيبي وانا ما عارفة شو اعمل عشان ترتفع
يا بنات شو تنصحوني أعمل عشان ترتفع والله أنا خايفة وبنفس الوقت موكلة أمري لله تعالى
ادعولي يا اخواتي .. ادعولي بهالشهر الفضيل انو ترتفع المشيمة واتطمن ع وضعي وتتيسر ولادتي
ويا ريت لو وحدة منكم حصلها نفس يلي حاصلي لا تبخل علي بنصائحها وتخبرني شو عملت
آسفة لأني طولت عليكم بالكلام ... بس نفسي اتطمن وتدعولي
يا رب ييسر للكل حملكم وولادتكم ويحمي أجنتكم ويرزق كل منتظرة بالحمل السليم المعافى يا رب
الروابط المفضلة