الي كل اخت ولدت ولاده مبكره فى الشهر الخامس اوالسادس و توفي الجنين
ياريتتفيدوني و تفيدو غيري انا حصلي كده قريب وابني كان حي بس طبعا لا يستطيع العيش خارج رحم الام
ممكن تقولولي حصل الحمل بعد قد ايه من الحمل الي مكتملش
و ياتري عملتو عمليه ربط
وهل هي متعبه
وكنتو مريحين طول الحمل التاني
و قدرتو تحملو بعد كده اكتر من مره
طمنوني الله يخليكم و ادعولي ان ربنا يعوضني و يرزق كل مشتاقه للاطفال

حبيبتى متقلقيش انا اعرف انك ممكن تحملى عادى ان شاء الله بس سيبى شهرين تلاتة كدا راحة علشان الرحم يرجع لوضعه الطبيعى .. واعتقد انك يستحسن تعملى الربط ودا اسألى فيه الطبيب .. الربط بيبقى فى الشهر الرابع .. واختنا فى الله دعاء حمدى فى تجمع حوامل شهر شوال حصل معاها كدا وهيا الحمد لله حامل دلوقتى وعملت الربط فى الشهر الرابع بس اهم حاجة بعدها الراحة التااااااااااااامة ... وربنا يكملها على خير ويعوضك خير يارب .. وعلى فكرة انا اعرف واحدة ماشاء الله معاها دلوقتى 3 اطفال وكل مرة كانت بتعمل ربط

حبيبتي أنا و لدت في أول السابع و البيبي كان ميت و حملت بعدها بشهر و الحمد لله تم الحمل على خير و عندي مريم و يوسف ...و عقبال ما تفرحي بأولادك و يقر عينك ...
معلش هو اختبار صعب بس ربنا بيعوض عوض عظيم من عنده لا تخافي أنا بعد المرة الأولى الللي توفى الجنين ظنيت اني عمري ما هحمل تاني بس ربنا خيب ظني و رزقني ...الحمد لله

رب يرزقك الحمل السليم المعافى
لكن انا فعلا بستغرب ازاي ينولد الطفل عايش وميحاولوش يساعدوه على العيش خارج الرحم
اعرف كثير ولدو في الخامس والسادس وعاش الجنين في الحضانات شهرين او 3 شهور وممكن حتى 4 شهور في الحضانة وبيطلعو كويسين

شكرا لرددكم كلها انا بس قلقانه و خايفه و نفسي اغمض عيني و فتحا الاقيني حملت وولدت خايفه من الدكاتره و قسوه الدكاتره ربنا كريم املي فى ربنا كبير و بعدين انا مش صغيره 34 سنه كل ده بيدور فى دماغي بس ربنا اكبر واعظم هو الدكتور قالي مينفعش يدخل حضانه و لو هو قصر فى حق ابني ربنا ينتقم منه

حبيبتى قرات قصه ولادتك وكانت صعبه جدا وعينى ادمعت منها
هدى حالك شويه وقربى لربنا اكتر
وزى ما الاخوات قالوا كل شئ بيمشى بعد كده طبيعى
ان شاء الله ربنا يرزقنا جميعا الذريه الصالحه

حبيبتي ان شاء الله بتحملي وبتشوفي ابنك او بنتك علي خير
بس انتي سيبي فرصه للرحم يستريح قيمة شهرين
وان شاء الله بتحملي وربنا يتمم حملك علي خير

ريحى نفسك على الاقل ثلاث شهور حتى يستعيد الجسم عافيتة وربنا يرزقك فى القريب العاجل

حصل معايا زيك لكن أنا لسه في فتره نفاس ..وربنا يخلف علينا يارب ويعوضنا عاجلا بأذنه غير أجل أن شاء الله

جزاكم الله خيرا و تقبل منكم دعائكم