السلام عليكم ورحمة الله وبركاته

انا خجلانة احكي بالضبط ايش اللي احس فيه
بس متضايقه ومو عارفه كيف اتصرف
راح احكيلكم من البداية حتى تقدروا تفهموا اللي فيني بالضبط
انا من ولدت صار لي 3 اشهر واسبوع تقريباً
ولدت طبيعي وكانت ولادتي صعبة جداً
واستخدموا جهاز الشفط لإخراج الجنين
والخياطة كانت داخلية وخارجية
وانتهت فترة النفاس ولازالت الخيوط موجوده
مع اني اطهر المنطقه جيداً واستخدم الماء والملح الخشن
ولكن بدون نتيجة
تعبت منها كثيييييييييير
وماكنت حابة اروح المستشفى ولا اكشف ولا اسوي اي شيء
تعقدت من الولاده
وقويت قلبي ونزعت الخيوط الخارجيه بنفسي وبعد فتره بسيطه تعافت تماماً
لكن الخيوط الموجوده ببداية فتحة المهبل
ظلت موجوده فترة طويله
كملت 54 يوم وهي مازالت موجوده
وبعد هذه الفتره طاحت لوحدها
مر شهرين من ولادتي ولازلت احس بالام في المنطقة كااااملة
من الداخل والخارج (منطقة التبول)
مع العلم إن ماحصلت اي علاقة حميمه بيني وبين زوجي إلا من يومين فقط
كنت ارفض هذا الشيء بشده بسبب خوفي من الألم
وفعلاً حصل اللي انا خايفه منه
الم رهييييييييب لايوصف اكثر من لما كنت بكر
لدرجة اني بكيييت كثير من قوة الألم
وما اقدر اقعد عالارض
ومشــكلتي
واللي اكتشفته امس وانا اغسل المنطقه
هو وجود
زائدة لحمية صغيرة بارزه في بداية فتحة المهبل من الاسفل
الشكل غريب ومزعج بالنسبه لي
اول مره اشوف نفسي كذا
يعني هذا شكل المهبل الطبيعي بعد الولاده لكل امرأه؟؟
انا ما ادري هذا يصير لكل المتزوجين اللي ولدوا
والا بس لي انا ؟؟
البروز مضايقني نفسياً
احس اني غريبه
قبل ما يحصل بيني وبين زوجي اي اتصال ماكنت اشوف هذا البروز ابداً
فكرت اروح للدكتوره بس مو عارفه ايش اقولها اصلا
ولو حكيت لها وفهمتني
ايش ممكن يكون علاج هذا الشيء الزائد

انا متضايقه ونفسي اعرف كيف اتصرف بهذا الموضوع
وخجلانه حتى احكي لزوجي اني بروح للدكتورة بسبب هذا الشيء
انصحوني الله يجزاكم كل خير

اول شي مبروك البيبي والحمد الله على السلامة
بخصوص ما ذكرتي احتمال انه الخياطة تمت بصورة غير صحيحة وصار هذا البروز
اقاربي صار معاها نفس الشي
والى ثاني ولادة تم تعديل المنطقة بخياطتها بصورة صحيحة واختفى الالم والبروز
حاولي تراجعي طبيبه هي تفهمك

اختي
مشكوره على ردك
يس افهم من كلامك إنو واحد من امرين
يا ارجع للدكتوره وتسوي لي خياطة من جديد
او انتظر حتى احمل واولد مره ثانيه ويصلحوا كل شيء

كل خيار اصعب من الثاني
انا للحين مانسيت الم وعذاب الولاده الاولى
حتى افكر احمل مره ثانيه
ومافيني قوة قلب تخليني اتحمل الم غرز من جديد
الله يعين
انا تأزمت أكثر

اختي ...............لازم تراجعي دكتورتك ,اتوقع هذه عباره عن غرزه غير مزبوطة وشغلتها ان شاء الله بسيطة وترتاحي منها
انا حصل معي نفس الشيء والحمد لله قصتها الدكتورة وبعدها تالمت يومين وبعدين ترتاحين ................الف سلامة لك

يا ريت تذكري شكل البروز .
بتخافي يكون صار معك هبوط بجزء من الرحم او المثانة؟
انتبهي واستشيري أكثر من دكتورة.
اعملي بحث بالنت على هبوط المهبل أو الرحم .
وشوفي الصور وقارني.
وربنا يسهل أمرك .

روحي لدكتورك تكشف عليكي أحسن وأساليها عن الخياطه التجميليه

الحمد لله على سلامتك غاليتي
وكل اللي مريتي فيه يحصل مع كثير
من النساء !!
لا تقلقي غاليتي بالنسبه للخيوط انا مثلك
ماطاحت الخيوط لحد ماسحبت كم غرزة!!
وماطهرت الا بعد يمكن شهرين او اكثر !!
والالم بعد العلاقه طبيعي لانك ماجاك زوجك من فتره
فالمنطقه تكون ضيقه و غير كذا اتوقع الخياطه اللي
عملوها لك تجميليه يعني رجعوك زي البكر !!
اما البروز انا جاني بروز بس من نهاية الخياطه يعني من الخلف
و سألت الطبيبه قالت هذه نهاية الخياطه (العقده)سوت لي
زي الزائده وانا كنت اظنها بواسير !!!

عموما لازم تكشفي عند طبيبه كويسه و مو لازم تقولي لزوجك السبب
الرئيسي بس تشييك او الم او افراز او اي سبب ممكن تقوليه عشان
ماتنحرجي معاه ,,

واذا كان زائده زي ماذكرتي ممكن يكون حلها بالكي البارد وهو سهل
لا تقلقي غاليتي

بنــــات

الف شكــر لكم جميعاً

الله يعطيكم الف عافيه

ومشكورين على ردودكم

الله لايحرمني منكم

أنا جيت
اطمنكم
رحت للدكتورة البارح بالليل
وحكيت لها كل اللي حصل لي
وكشفت علي
قالت لي مافيك زايده ولا لحمة ولاشيء
كل شيء فيك طبيعي
وهذه حبة كثير صغيره ومو لحمة اصلا
هذه بقايا غشاء البكاره
بعد الولادة انفتح كامل ومع الخياطه صار بهذا الشكل وجداً طبيعي
بس انت ناعمة كثير وتحسي انو شيء شاذ
وعندك شوية التهابات بسيطة
هذا موضوع الشيء اللي انا اعتبرته زايده

قلت لها احس بألم عند الجلوس
ما اقدر اقعد حتى عالكنبه اتألم .. ووقت دخولي للحمام احس بألم من الناحيتين
قالت لي كل هذه الالام نتيجة الولادة بجهاز الشفط
وتضاااايقت كثيييير من الطريقه اللي ولدوني فيها وشبهتها بفيلم رعب
واستنكرت استخدام الشفاط في الولاده وقالت حسبي الله ونعم الوكيل فيهم
والله لو فتحولك بطنك كان ارحم لك من كل اللي انت فيه
وكويس ان بنتك جات سليمة وانت ماصابك شيء
والمك الفظيع وقت الجماع كان بسبب الخياطة
وباين انهم خيطوك جااااامد بعد اللي هببوه فيك
وصارت تدعي عليهم
قلت لها انا لولا انك اجازه كان ولدت عندكم بالمستشفى
لكن انت يادكتوره اجازه
وماكان فيه غير الدكتور احمد
كملت متابعه عنده بس ولادتي كانت بمستشفى المانع
لأني اخجل اني اولد على يد دكتور
واعتذرت لي بشدة وقالت لي انو ذراعها كان مكسور
وتأست على حالتي كثييير
واخر الكلام
اعطتني ادوية وغسول للمنطقه
وحكت لي اراجعها بعد اسبوع

الحمد لله غاليتي
الله يتمم لك بخير
ويطمنك زود

عزوتي ابوي
تسلمين ياعمري
ربي مايحرمني هالدعوات الحلوه منكم