حبيبتى ربنا يهون ولادتك وتقومى بالسلامة ان شاء الله ....
بصى انا دة اول حمل بالنسبة ليا ... يعنى مش هكدب عليكى واقولك انى جربت الالم والعذاب اللى بتحكى عنة ....
بس خلى بالك حتى الولادة اسمها ( طبيعية ) .... يعنى حاجة عادية ....ربنا يسرهالنا ومعاها شوية الم على رأى الاخت كنزى علشان نحس بغلاوة اولادنا .....
لكن بقى الالم اللى بيبقى مبالغ فية والعذاب اللى بنشوفة دة بيبقى من الخوف من الولادة نفسها ..ومن الخبرات السابقى اللى بنسمعها من حوالينا ... لكن لو سلمتى امرك لله والله هتلاقيها سهلة ... وبعدين حاولى تكثرى من المشى ... وشرب كوب ماء علية ملعقة عسل كل يوم واكثر من مرة فى اليوم .... وكمان منقوع الزعتر فى لتر ماء ..... اسمع انة بيسهل الولادة .....
ولما تبتدى تحسى بالطلق ..... حاولى تهدى نفسك خااااااااااااااالص وخلى كل تفكيرك انها كلها ساعات وبأمر الله هتشوفى مولودك قادم للحياة وانتى واخداة بين ايديكى....
وصدقينى ذكر الله والاستغفار هيفيدك فى الوقت دة جداااااااااااا ......
ومش اول ما تحسى بالطلق تروحى المستشفى ... لأن دة هيسبب لك التوتر والخوف اكتر ...
وربى يكتب لك ولادة سهلة يارب ويجعل مولودك من ابناء السلامة يااااااااارب انتى وكل الحوامل ويرزق كل منتظرة اللهم آمين
معلش طولت عليكى فى الرد
الروابط المفضلة