السلام عليكم ورحمة الله
كيفكم ياكروشات وكيف النفسية مع الحمل؟
أنا ولله الحمد والمنة حامل (عرفت بالتحليل المنزلي) وبصراحة نفسيتي شوي مش ولابد , مرررة متضايقة وطفشانة أحيانا احس نفسي مررررة ضعيفة واحيانا نفسي ابكي , نفسي اروح عند احد اتكلم معاه , بس للاسف امي في ديرة ثانية , وماعندي اخوات واغلى صديقة عندي سافرت في بعثة .
صرت اتنرفز بسرعة ولما اتنرفز ارتعش مدري ليه.....
ابغى اسألكم : الان بعد ماعرفت اني حامل لازم اتابع عند دكتورة ؟
وطيب كيف احافظ على وزني ؟
لأني انا كنت سمينة كان وزني 75 وصارقبل فترة 59ونص وبعدين ثبت على 61.5 والان مع الشهية المفتوحة صار 63.5 وبصراحة مررررررة مكتئبة
هل تشوفو اني اروح اتابع مع اخصائية تغذية والا لا؟
وبعدين صارت معايا مثل الحالة النفسية يعني اكل بدون مااكون جيعانة يمكن مع الطفش..
اسفة طولت عليكم بس نفسي اتكلم مع احد...
ياريت فيه شات للحوامل فقط نقعد نتكلم فيه....
الروابط المفضلة