لازم حد يرد عليا ضرورى ولو دكتورة اطفال يبقى احسن انا بقال 3اشهر فى عذاب عايزة اجابة
القصة ان انا كنت حامل فى ولد والحمد لله الولادة كانت من اسهل ما يكون وطول الحمل الدكتور مطمنى ان حملى كويس وحجم البيبي طبيعى مع ان بطنى كانت صغيرة جدا الحمد لله تانى ولدت طبيعى والبيبي نزل وزنه 1850 هو حجمه صغير بس دكتور الاطفال قال انه كويس ومش محتاج حضانة لانه وظايفه كويسة ورضع من لبن صناعى فى المستشفى روحت معاه ورضع باليل كمان وتانى يوم فضل نايم يفتح بس لما نغيرله على سرته ونحطله قطرة ومارضعش منى خالص ولا من اللبن التانى وفى نفس اليوم بليل الساعة 9لاقيته صحى وبعديها بشوية لونه غير يقى اصفر واغمق جرينا به على المستشفى وللدكتور بتاعه و الى سمعته منهم بعد كدة انهم حطة على جهاز تنفس وان قلبه كان وقف حطوه فى حضانة والساعة 2 جوزى قالى احتسبى ابنك عند الى خلقه
ابنى مات من قبل ما احضنه من اقبل حتى ما سميه عرفت ان ابوه سماه فى المستشفى محمد ابنى الى ماحستش من ساعة ماولدته انه بتاعى
الحمد لله على كل شئ انا صابرة صبر الشاكرين مش صبر المضطرين ابدا الحمد لله يارب
دلوقت حد يقولى ايه السبب انا عارفة ان قضاء الله ونفذ لكن هو حجمه القليل ولا عدم اكله وايه اسبابهم ودة تقصير منى فى الحمل ولا الدكاترة هما الى غلطانين
وااعمل ايه عشان اتجنب ان حجم البيبي يبقى صغير
انا اسفة انى نكدت عليكم يارب كل واحدة يخليلها ولادها وبثبت لها حمله وتمهولها على خير وسؤال ياترى احل دلوقتى ولا استنى شويه انا فعلا مش عارفة افكارى مذبذبة فى الموضوع دة ولو احمل يبقى وقت اباضتى امتى لان البيريود جاتلى يوم23/5 وجزاكم عنى كل خير انا طولت عليكو بس انا فعلا تعبانة اوى
الروابط المفضلة