السلام عليكم ورحمة الله وبركاته
اخواتي حبيباتي اللي مرت بنفس اللي انا هاحكلكم عليه ونجحت انها تتخطى العقبة والصعوبات في الرضاعة الطبيعية تفيدني لأني حاربت عشان ارضع ابني طبيعي.
انا هاقولكم انا عملت ايه وانتو قولولي انا صح ولا غلط
لما بصحى من النوم بشرب كوب حلبة حصا بلبن يا قبل الفطار يا بعد الفطار وبشرب ميه كتير على مدار اليوم مش بعد قد ايه بس كل ماتخلص ازازة اشرب غيرها وفي الفطار آكل بيضة مسلوقة وجبنة بيضا وحلاوة طحينية وفي الغدا فراخ أو لحمة ومعاهم اي طبيخ أو مكرونة واشرب شربة وبعد الغدا اشرب ينسون أو كراوية وفي العشا آكل حلاوة وجبنة واشرب كوب لبن عليها معلقة سمسم وكوب حلبة حصا واشرب كمان معلقة حلبة مطحونة في كوب ماء أو اتعشى نص فرخة صغيرة واشرب نفس المشروبات وبعد كل رضعة اقوم بسحب اللبن من صدري بطريقة التعصير من الثدي ومع ذلك اللبن بعد صلاة العشا يبقى قليل جدا وابني يا عيني ماينمش من الجوع ومش عارفة اعمله ايه وخايفة اديله رضعة صناعي بالليل عشان ينام يتعود على اللبن الصناعي ويرفض الرضاعة الطبيعي.
الله يخليكم قولولي اعمل ايه.
الروابط المفضلة