السلام عليكم ورحمه الله وبركاته
يا بنات انا والحمد لله علي كل شئ سبق وان اجهضت قبل ذلك 3 مرات
مره في الشهر الثاني والاخري في الشهر الخامس والاخيره في الشهر السادس
وفي كل مره بيكون الحمل ماشي كويس جدا وفجأه يحصل الاجهاض
وانا الحمد لله الآن حامل في شهري الثالث وربنا يكملي ولكل الحوامل علي خير
ويرزق اخواتنا المنتظرات يارب
انا عملت كل التحاليل الازمه وكلها سليمه الحمد لله وكمان باخد المثبتات والادويه
الازمه وراحه تامه جدا واخرالشهر ان شاء ربنا هاعمل عمليه ربط يعني انا واخده
بالاسباب وكله علي ربنا
المشكله ان امس حماتي ام زوجي قالتلي ان في حاجه اسمها التبيعه او القرينه
ودي بتعمل اجهاض متكرر وعلاجها ان شيخ يقرأ عليا القرآن
وماما موافقاها علي الكلام دا
انا بصراحه مش مقتنعه بالكلام دا لان انا الحمد لله محافظه علي صلاتي ومواظبه
الاذكار وقراءه القرأن وبرقي نفسي وجنيني كل يوم تقريبا ولو كان كلامهم دا صحيح
فأنا المفروض اللي أقرأ علي نفسي لان انا شايفه انه مينفعش يكون في وسيط
بيني وبين ربنا وفعلا من امبارح قرأت سوره البقره كامله وناويه علي كدا كل يوم ان شاء الله
انتم بقي رأ؟يكم ايه اسمع كلامهم واجيب شيخ يقرأ علي ولا اقرأ انا علي نفسي مع التزامي بالاذكار والرقيه الشرعيه
سامحوني يا بنات طولت عليكم
منتظراكم
احبكم في الله
الروابط المفضلة