انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 3 من 3

حقن مجهرى عند جنين ونجحت العملية تدخل ضرووووووورى

(الحمل والولادة و الرضاعة - منتديات لكِ النسائية - الأرشيف)
...
  1. #1
    سماح نصر's صورة
    سماح نصر غير متواجد النجم البرونزي
    تاريخ التسجيل
    Mar 2010
    الموقع
    فى مصر
    الردود
    542
    الجنس
    امرأة

    حقن مجهرى عند جنين ونجحت العملية تدخل ضرووووووورى

    الاى عملت حقن مجهرى عند جنين ونجحت العملية ارجو الدخول وتحكيلى حكايتها لديه اسئله كتير ربنا يجازيكو خير ان شاء الله ضرورى ضرورى
    1-هل هناك من تم ارجاع الاجنه اليها فى اليوم الثالث ونجحت
    2-لو بيتى يبعد عن المركز ساعة مفيش اى ضرر على الاجنه خصوصا انها لسه مزروعه
    3- النوم بعد العمليه فى المركز شرط يكون ساعتين وبطريق معين والا عادى
    4- النوم خلال الاسبوعين قبل التحليل لازم انام على ظهرى

  2. #2
    still_here's صورة
    still_here غير متواجد النجم الفضي
    تاريخ التسجيل
    Mar 2007
    الموقع
    إنتظااااااار الفرج....عباده
    الردود
    3,765
    الجنس
    أنثى
    علي فكره يا سماح أنا ردت عليكي فالملف بس شكلك مخدتيش بالك...شوفي يا ست الكل بالنسبه لأسألتك..

    -هل هناك من تم ارجاع الاجنه اليها فى اليوم الثالث ونجحت
    ...أنا الأرجاع كان اليوم التالت والحمد لله نجحت ..علي فكره أنا وقتها كان نفسي يكون فالخامس بس قلت لنفسي لو ربنا رايد فالخامس فالتالت مش هتفرق ..في ناس بتنقل فالخامس ومبتنجحش علي فكره..



    2-لو بيتى يبعد عن المركز ساعة مفيش اى ضرر على الاجنه خصوصا انها لسه مزروعه
    أنا أصلا مش من القاهره وبعد النقل ريحت ساعه فالمركز وقمت روحت بس كنت نازله ففندق يدوب فضلت لتاني يوم الصبح وروحت سفر أكتر من 5 ساعات وجيت البيت أضطريت أطلع للدور التالت وأنزل تاني ..كنت مسلمه أمري لله ..وعلي فكره الأجنه بتثبت فأول تلت ساعه بعد الأرجاع..


    3- النوم بعد العمليه فى المركز شرط يكون ساعتين وبطريق معين والا عادى
    ..أنا فضلت ساعه لأن كان يومها زحمه ومحتاجين السرير بصي بتنامي علي ضهرك وطبعا بتحتاجي تدخلي الحمام لأن المثانه بتكون مليانه جدا واحده معانا الله يتم حملها علي خير "كرمه"قالتلنا نستخدم حفاضات أو فوط صحيه علشان متقوميش..



    4- النوم خلال الاسبوعين قبل التحليل لازم انام على ظهرى
    مش لازم نوم علطول..المهم الراحه ومتوطيش ومتتحركيش كتير نامي بقي علي ضهرك علي جنبك عادي ..أنا أغلب الوقت كنت قعده عادي..وعلي فكره جالي نزله برد جامده تالت يوم النقل وكحه فظيعه وأمساك صعب ربنا يعافيكي وقلت معقول بعد كل ده يبقي في حاجه ..لكن أراده ربنا فوق كل شئ..بس في حاجه بقي أسبوعين الأنتظار كنت هاديه أوي الحمد لله وكانت نفسيتي كويسه جدا وده شئ مهممممممم..رحت قعدت عند ماما ووسط أخواتي هتلاقي اللي يكلمك وتضحكي معاه علشان متركزيش أوي فاالأنتظار والتحليل..وكنت دايما أقول ليه أقلق نفسي أنا كده كده مكتوبلي يا ليا نصيب يا لأ يبقي قلقي مش هيغير حاجه..
    وأي سؤال أنا تحت أمرك..

  3. #3
    نووودى's صورة
    نووودى غير متواجد النجم الفضي
    تاريخ التسجيل
    Feb 2008
    الموقع
    مصر
    الردود
    1,995
    الجنس
    أنثى
    السلام عليكم ورحمة الله وبركاته
    ربنا يتمملك على خير يا أختى ويرزقك بالذريه الصالحه يارب
    انا الحقيقه معملتش العمليه فى جنين عملتها فى اسكندريه لكن حبيت أدخل يمكن أقدر أفيدك لان اسئلتك عامه
    وجزاها الله خير اختى ستيل كفت ووفت ماشاء الله

    بس حبيت أقولك انا نقلت الأجنه انا كمان عاليوم التالت وكان بردو الدكتور ناوى يستنى للخامس وفى الاخر فضل ينقلها فى اليوم التالت
    وانا مش من اسكندريه ومحافظتى سفر أكتر من ساعتين وريحت فى المركز ساعه واحده بس و كانوا بيقولولى كفايه نص ساعه كمان وسافرت فى نفس اليوم بعدها علطول وجيت البيت طلعت للدور الرابع عند والدتى
    وعلى فكره دخلت الحمام بعد الارجاع علطول وأكتر من مره مش مره واحده كمان لان كانت مثانتى مليانه جدا لكن قالولى بس الافضل مستعملش الشطاف جامد او استعمل كلينكس احسن
    وفى فترة بعد الارجاع اول 3 ايام ريحت الى حد ما وكنت بصلى قاعده والدكتور نبه عليا منامش طول الوقت عشان لازم الدوره الدمويه تتحرك وميحصلش جلطات لا قدر الله
    وقالولى كمان ممكن اصلى عادى واسجد وفعلا بعد كدا صليت واقفه عادى لحد الشهر التالت فى الحمل وكنت بتحرك قبل التحليل فى البيت عادى جدا وكنت بعملهم فى البيت حلويات وبيتزا ومعظم الوقت قاعده امام الكمبيوتر او التليفزيون

    وزى ما ستيل هير قالتلك الافضل تكونى عند اهلك او حد معاكى يونسك عشان متشديش اعصابك ولا تفكرى كتير

    وكله بأمر الله وانا بصراحه مكنتش مركزه ابدا فى السباب و مشدتش نفسى عليها وسلمت أمرى لله وكان عندى قبلها محاوله ومنجحتش

    والحمد لله رب العالمين ربنا أكرمنى بأدهم ورقيه عندهم اربع شهور عقبالك يارب يارب وكل منتظر باذن الله

مواضيع مشابهه

  1. لكل من تعاملت مع مركز جنين لدكتولر حسام زكى يا ريت تدخل بليز
    بواسطة sally22 في الحمل والولادة و الرضاعة
    الردود: 6
    اخر موضوع: 26-07-2011, 02:56 PM
  2. كل الي عملو حقن مجهري وحملوا تدخل.. والحوامل ايضا
    بواسطة بنت رمادي في الحمل والولادة و الرضاعة
    الردود: 12
    اخر موضوع: 02-09-2010, 10:56 AM
  3. اللى عملت حقن مجهرى تدخل بليز
    بواسطة حبيبة اسكندرية في الحمل والولادة و الرضاعة
    الردود: 8
    اخر موضوع: 09-12-2007, 04:21 PM
  4. الي سوت العملية تدخل؟؟؟؟؟؟؟؟
    بواسطة ام لمى في العناية بالجسم والبشرة والمكياج والعطورات
    الردود: 7
    اخر موضوع: 02-06-2002, 04:11 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96