السلام عليكم و رحمة الله و بركاته
أنا أخر دورة جاتلي كانت بتاريخ 17\1 عملت تحليل حمل و طلع بوستيف الحمد لله
رحت للدكتورة عملتلي سونار مهبلي و قالتلي في الأول إن كيس الحمل فاضي و بعدين شافت جنين بس قالت صغير قوي و مش متناسب مع الوقت اللي المفروض أكون فيه و كمان في تجمع دموي تحت كيس الحمل
و أنا ما ساعة ما رجعت و أنا عمالة أعيط و مش عارفة أعمل إيه لإن الحمل ده بعد 5 سنين إنتظار و إجهاضين
و كمان أنا كنت باخد جلوكوفاج و دكتورتي في حملي اللي قبل كده قالتلي تستمري عليه لحد الشهر الخامس فبالتالي باخده و أنا مطمنة إنهاردة الدكتورة اللي رحتلها قالتلي لأ كان لازم توقفيه لإنه خطر على الجنين
مظبوط الكلام ده و لا لأ و هل ممكن يكون هو اللي أثر على الجنين
رد مع الاستدلال
الروابط المفضلة