انا كمان ام اربع بنات وصراحة كل حمل مختلف عن الثاني حتى شكل بطني كان كليا مختلف
وسلامتكم والله يرزقنا الاولاد الصالحين يارب

بالنسبة لي كان كل حمل عندي مختلف عن التاني بشي ..

في حملي في بناتي الوحم عندي متعب ومزعج الغثيان والترجيع من اقل شي يمكن طوال اليوم وتعبانة ونايمة على طول وزني مايزيد الا فين وفين واميل للاكل الناشف مو المسبك ..

بالنسبة لولدي وحمي مرة كان مريح ماشاء الله ونفسي مفتوحة واحب الاكل المسبك والحوادق..

بالنسبة للشكل في بناتي على حسب كلام اللي حولي كنت محلوة عكس ولدي كنت منفوخة وخشمي (انفي) كبر وصارت شفايفي كبيرة وجسمي مسمر بحكم ان بشرتي بيضا في الاساس..

الله العالم في دا الحمل ايش بدو يكون المهم الحمل السليم المعافى..

دمت عزيزتي بكل حب,,

انا نزلت موضوع زي موضوعك من اسبوع ان شاء الله تلاقي فيه ردود الاخوات كلهم يقولو ايش العلامات لي كانت معاهم