علينا بالصبر أختي ربنى معانا أه أه من الكلام القاسي ربنى يدينى الدرية الصالحة عن قريب

حبيبتي معلش كلنا بنحس الاحساس ده
بس انتي تقدري تدخلي في الكلام اتكلمي عن حاجه انك قريتيها او تجربة اختك او حد تعرفيه
انا ليا صديقه متجوزه بعدي وحملت ما شاء الله ومن يوم ما حملت وهي بتسألني عن اي حاجه وكاني انا عارفه لاني لما باقعد معاها ومع الناس بيكلموا في الامور دي باتكلم معاهم ومش باحسسهم اني ناقصني حاجه انا ناقصني التجربه بس ودي مش بايدي لكن المعلومات والحكاوي ممكن من تجارب اللي حواليكي والقريبين منك
وبالنسبه للشرا والهدوم الحلوه بتاعة البيبيهات اكيد ان شاء الله هيجي اليوم اللي هتشتري فيه وهتفرحي وهتنقي براحتك وكل الناس اللي حواليكي هتجيبلك كمان و يفرحولك ويفرحوكي
بس على فكره انا وصلت لان احساس النقص ده جاي من جوانا احنا مش الناس هي اللي بتحسسنا بيه احنا اللي حساسين لاي كلمه واي تصرف و بنفسره غلط
والدليل ان اهل البيبي عزموكي مع باقي الناس عادي
انا باقولك الكلام ده وباقوله لنفسي معاكي لاني كتير باحس باحساسك ده وبادايق وبابقى مش عايزه اشوف حد ولا اروح لحد
وده طبعا ميمنعش ان فيه ناس بتبقى مستفزه ومبتراعيش مشاعر حد عشان تشاركك في الكلام مثلا تسالك وانتي مخلفتيش ليه بقى كل ده قال ايه هي كده بتشركك في الكلام معاهم
بس احنا لازم نكون اقوى من كل ده واحنا اكيد عندنا نعم كتير مش موجوده عند غيرنا من الناس اللي معاهم اطفال ندور عليها ونشكر ربنا عليها علشان يزيدنا ويرزقنا اللي مش عندنا
واوعي اوعي دموعك تنزل قدام حد من الناس دي دموعك دي غاليه قوي

ربنا يرزقنا ويرزقك ان شاء الله قريبا جدا جدا

كثيييير جدا يحدث معى نفس الموقف ولا احد يعيرنى اى اهتمام في الكلام عن النونو والحمل والولادة ان شاااااء الله ربي سيرزقنا عن قريب ادعو لى وانا سادعو لكى ولكل مشتااقة للاطفال يااااااااااااااااااااارب ارزقنى واياك وكل مشتاقة الذرية الطيبة المعافاة من كل مكروه

رب يرزقك ويرزقنا ويرزق كل من يريد اعرف واحس بيكى اختاه

بصى حاولى لما تتحطى فى موقف زى ده تتكلمى معاهم عادى
ربنا يرزقك الذريه الصالحه ويرزقنى معاكى يارب

الله يرزقك حبيبتي قريبا عادي الحساسية يعني لاتخلين في بالك هم مو قصدهم اكيد الله يرزقك بالحمل ان شاء الله

الف شكر وتحيه لكل واحده كتبتلى وبجد كلامكو خفف عليا كتير ويارب يرزقنا


بالذريه الصالحه عاجلا وليس اجلا يارب يا كريم

الله يرزقك عاجل غير اجل
يااااااااارب

الله يكتبلك الذرية الصالحة معلش مابيكونش قصدهميجرحوكى محدش لينا له من امره شئ دى وهبه من رب العالمين وان شاء الله بانتظارك وصبرك يكون ليكى جزاء الصابرين

يا اختى الحبيبة.... انا حاسة بيكي جدا جدا لانى متجوزة من 4 سنين وكل اصدقائي وزوجاتك اصدقاء زوجى و قرايبي البنات والشباب كلهم ولله الحمد ربنا كرمهم بالذرية الصالحة مرة واتنين
وفعلا زى ما اخت قالت لينا هنا انتى حاولى تدخلى في الكلام حتى لو بتجارب قرتيها او سمعتيها او حتى تجارب اخوات

انا بعمل كدة والله ولانى بجد بحب الاطلاع في كل شئ فعندى كم معلومات كبير جدا في كل المجالات

وكمان ربيت ولاد اخواتى

وفعلا بيسالونى الاصدقاء وبجاوبهم

لكن مش هكدب واقولك انى ملاك لاننا بشر

اه عدى عليا كل اللى قلتيه واكتر بكتييييييييييييييييير

وبحس بمرارة في قلبي وبحزن انى وقفت في الموقف ده

لكن برجع استعيذ واستغفر واقول ربنا قادر ويكرمنى

اصبري يا حبيبتي ودايما قولي انك ملكيش في نفسك شئ

يعنى بايد ربنا

وياااااااارب يرزقني ويرزقك وكل محرومة يارب