للبحث في شبكة لكِ النسائية:
|
يار بيا لولى يار بيسمع منك ربنا ان شاء الله وانتى تجيبى بدل البطل اتنين ان شاء الله ويكونوا تؤم زى ما قلتلك قبل كدا ما هو كل واحد وحجمه بقى هههههههه اوعى تزعلى انا بهزر يارب انا كمان على حجمى دا نفسى وامنية حياتى انى اجيب تؤم ويارب ينولنى الى فى بالى يارب وكل واحدة تنول الى فى بالها يارب
لا شكل الحكاية بصحيح كله انسجب وسابنى لوحدى ههههههههههههه ماشى يا بنات يعنى خلتونى انا فى وش المدفع وكلكم انسبحتم وبراءة الاطفال فى عينيكم يا عينى ماشى ليكم زنقة هههههههههههه
واللهي يا ريناد لو كانت بالأحجام كنت كسبت المركز الأول و جبت 5..6 عيال
ههههههههههه يا رب يديني توأم أنا و إنتي يا رب
ههههههههههههه دمك خفيف يا مضروبة
أنا يا ستي إسمي نجلا و عندي إحم إحم 30 سنة و خريجة تجارة إنجليش و مش بشتغل و أنا من القاهرة بيتي في مدينة نصر وماما في المهندسين بس عايشة في الرياض
متجوزة من 8 سنين و كام شهر كده و عندي ملوكة عندها 7 سنين حملت فيها بعد جوازي ب 5 شهور كان عندي قرحة في عنق الرحم عملتها و حملت في نفس الشهر و جبت ملك الحمد لله
و بعده الولادة ركبت لووب و شلته بعد سنتين و شوية و قعدت سنة محصلش حمل رحت لدكتور و قالي ضعف تبويض و إبتديت بقة من دكتور لدكتور و منشطات و حاجات كده و برضه مفيش حمل و ظهرت تكيسات كأثار جانبية لكتر المنشطات
المهم سبت كل الأدوية و قعدت شوية و حملت من سنتين تقريبا و في الأسبوع السابع إتوقف النبض و أجهضت و بعدين حملت بعدها تاني ب 8 شهور و أجهضت في شهر و نص و من ساعتها محلصش حمل
رحت مركز جنين لما نزلت أجازة السنة دي و كنت ناوية اعمل حقن فلما عملتي التحاليل أنا و جوزي الدكتور حسام زكي قالي متستعجليش على الحقن خسي شوية و واظبي على الجلوكوفاج و إحتمال إنك تحملي طبيعي كبيرة و لو محصلش نعملها السنة الجاية
بس يا ستي دي قصتي بالتفصيل الممل ؟
إنتي بقة قصتك إيه علشان أتعرف عليكي أكتر
هههههههههههههههههههه هى دى الرجول بردوا هههههههههههه ماشى يا ست لولى على العموم ليكى زنقة يا ام ملوكة والولدين الى جايين فى السكة ان شاء الله كله خير ما تقلقيش وبعدين من هنا لغاية ما تنزلى اجزة تزكنى حملتى ان شاء الله طيب بما انك عندك ضعف تبويض احيانا ما تاخدى بردقوش بيقولوا حلو خالص للتبويض واهو اعشاب مش هتضرك يعنى وجربى وبقولك واظبى على الريجيم بردوا علشان دا يبقى مع دا واوعى تحرمى البنت من الحلويات ههههههههههوتقولى اشمعنى هى تاكل وانا لا ملوكة هتاخد رقم تليفونى وتقولى انا بقولك اهو ههههههه
لأ و ما تعمل رجيم إلا ملوكة
إنتي عارفة و هي بتستحمى تعدي الفقرات بتاعة ضهرها واحدة واحدة
و الريش تعديهم كلهم عاملة زي بتوع الصومال هههههههههههه
و بعدين إنتي فاهمة غلط ده هي اللي بتمشينا على مزاجها مش إحنا
أنا بشرب بردقوش دايما يا جميل و ربنا يسمع منك يا ريناد و أحمل قبل ما أنزل أنا و إنتي يا رب
الروابط المفضلة