السلام عليكم ورحمة الله وبركاته
يارب يكون الكل بخير
بعد حوالي شهرين هايتم ادهم ان شاء الله 3 سنين ربنا يبارك فيه ويحميه
يعني 3 سنين على ولادتي
و3 سنين و9 شهور على حملي
و3 سنين و9 شهور على جوزاي
الحمد لله انا حملت في اول شهر ومكنتش والله متوقعه الحمل بالسهوله دي علشان دورتي مكنتش منتظمه بس الحمد لله حملت على طول.
بعد شهر من جوزاي البريود ما جاتش روحت انا جوزي اشترينا اختبار حمل من الصيدليه وكنا بالليل وكان طبعا مكتوب زي ما الكل عارف ان احسن وقت الصبح
استنيت للصبح بفارغ الصبح وعملت الاختبار واستنيت دقايق وبعدين ظهر خط خفييييف وطبعا مكنتش عارفه ايه الموضوع جوزي اخد التحليل معاه ههههه لدكتور صيدلي ليساله والدكتور قاله مبروك وروحنا في نفس اليوم لدكتور نسا واول مرة طبعا اروح اكشف نسا والحمد لله كشف وقال في حمل والله حسيت ان الدكتور فرحان يمكن علشان اول حمل ليا
واول ما خرجت من عنده اتصلت بماما وقولتلها فرحت جدا وقالت استني شويه وما تقوليش لحد بس انا قولت لجوزي لو حابب تقول لحماتي مفيش مشكله قال لا نستنى
وبعد اسبوع وكنا بالليل الساعه 11 تقريبا نزل عليا افرازات بني وأأأأأأأأأأأه من الليله دي وخفت اتصل ب ماما هتعمل ايه يعني وهخوفها وبس وطبعا ما نمتش والصبح الساعه 7 اتصلت بيها وهي عارفة دكتور تاني قالتلي يلا نروح عنده
ماما في مكان وانا في مكان بينا حوال ساعه الاربع
المهم الدكتور قال ده حمل خفيف ويمكن يحصل اجهاض لا قدر الله
والحمد لله كنت راضيه بنصيبي ومشيت على المثبتات وكانت حقن وعلمت جوزي يديني الحقن لاني زهقت كل شويه انزل واخد الحقنه عند دكتوره صاحبتي
المهم الحمد لله عدو ال 9 شهور ومن غير لا وحم ولا دوخه ولا قئ بس مكنتش بحب برفان جوزي كان بيحط وهو نازل من العماره هههههههه بعيد عني
وقرب ميعاد ولادتي وروحت عند ماما وكنت جهزت شنطتى وشنطه لادهم وكنت اشتريت حاجته وانا في السابع
وفي يوم كان عندي كشف عادي متابعه يعني كان يوم خميس
وفي اليوم ده نزل عليا دم غامق شويه وبرضه خوفت اقول لماما علشان ما تخافش( طول عمري ما بشتكيش الحمد لله بخاف عليها ) وقولت انا خلاص رايحه للدكتور وهنشوف ولما شافني وكشف بالسونار قال خالص تيجي السبت ونشوف ميعاد الولاده وكنت قولت للممرضه على الدم قالتله بس يا دكتور دي نزل عليها دم قال طيب تعالي بعد ساعه نشوف هايستمر ولالا وكشف تاني وقال لااااااااااااااااااااا دي ولاده ومسك التليفون وقال جهزوا العمليات(طبعا قيصري) بعد ربع ساعه هههههههههههههههههه انا قولتله ايه ربع ساعه طيب استنى اجيب حاجتي وجوزي في الشغل
كلمت اختي تجيب حاجتي وكلمت طبعا جوزي وقولتله تعال دلوقت الكل مكنش متوقع وطبعا بابا الله يخليه جه والعيله كلها ههههههه وانا دخلت الغرفه الخاصه بيا وغيرت هدومي وصليت ركعتين فاكره اني كنت خايفه وانا بصلي جدا
وخرجت شوفت بابا وماما بيعيطوا سبتهم ومشيت ودخلت غرفة العمليات بكل جرأه وجوزي وصلني لهناك
والبنج كان كلي دكتور البنج طلب اقرا الفاتحه يمكن ايتين وروووووحت
واول حاجه شوفتها لما صحيت اللمبه اللي في السقف ههههههه طبيعي يعني وبعدين شوفت جوزي وحماتي وبعدين ماما
وسالت عن ادهوم حبيب ماما وشوفته وكان صغنوووووووووووووووون بس الحمد لله كويس وشبه ابوه بالظبط ههههههه ربنا يخليهم ليا الاتنين يارب
بالنسبه للرضاعه دي كانت تعبي كله وسبب حزني لانه رضع صناعي وكنت ببكي كتيييييييير وادعي بس للاسف اللبن مكنش كتير وكانت عندي حلمه كويسه وحلمه لا واتبهدلت كل من هب ودب من ستات العيله يشيرو عليا اعمل ايه وماما تقولي لا بلاش صناعي ,,, دكتور الاطفال كان كاتب له على حاجه ياخدها بس مش فاكره ايه هيا وكنت بعصر صدري وبعطيله بسرنجه معقمه شويه شويه لاني كنت خايفه ياخد على الببرونه وكان يمسك صدري بس دقيقه ويسيبه وطبعا ما اقولش عن البكا منه ومني
وبعد 3 ايام روحت لدكتور الاطفال بنفسي انا كنت بغير على الجرح ورحتله وقولته يكتبله على لبن صناعي مع اللبن اللي هاخده من صدري ولمدة شهر كنت بعطيله رضعه او اتنين من صدري ده اللى كان بيزل لغاية ما خلاااااااص خلص
والحمد لله على كل حال
ربنا يخليه ويحميه ويبارك فيه ويجعله من عباده الصالحين وحفظة قرآنه الكريم ومن الغيورين على دينه ااااااااااااامين اللهم صلي على سيدنا محمد وعلى اله وصحبه اجمعين
الله يعطي كل محروم يارب اااااااااامين ويبارك ويخلي كل اطفال المسلمين
الروابط المفضلة