السلام عليكم: معلهش يا بنات, جيتلكم اسألكم عن شوية حاجات, لو فاكرني انا كنت حامل وكتبت موضوع هنا من حوالي شهر,المهم الحمل ما حصلوش نصيب ونزل يوم 28 ديسمبر, وفضل الدم ينزل شوية ايام, حوالي 10 ايام بعدها انقطع, وحصل جماع بيني وبين زوجي يوم 14 يناير, وبعدها عملت دوش مهبلي بالديتول علشان ما يحصلش حمل لأني تعبانة لسه, المهم بقالي 4 ايام عندي الام اسفل البطن, وفي الظهر وفي الاعضاء التناسلية, والم خفيف جدا في الثدي, قلت يمكن تكون الدورة, بس اللي بينزل افرازات بيضاء زي المخاط, يبقى ده ايه؟
ربنا يستر يا بنات وما يكونش حمل لأني تعبانة جداااااااااااااااااااااااا من الاجهاض والدكتور حذرني من خطورة الحمل دلوقتي, ادعولي يا بنات ما يكونش حمل, وياريت حد يرد عليا, الافرازات دي ايه؟ هل هي علامة على التبويض زي ما قرأت؟ طيب هل يحدث التبويض في اثناء الحمل؟ وايه الافرازات دي اساسا, وما سببها؟ هي زي ما قولت بيضاء لزجة وليست كتل. طمنوني الله يطمن قلبكم, وكمان عندي الم في الاعضاء التناسلية, ممكن يكون من الدورة؟
ادعولي يا بنات الدورة تنزل علشان اطمن وان شاء الله بعدها يبقى يحصل حمل, بس اهم حاجة تنزل الشهر ده.
وكمان انا في وقت الدورة بتطلع عندي حبوب في وشي, وهي طلعت من يومين, هي ممكن تطلع مع الحمل؟
يارب استر, رب اني لا اسألك رد القضاء ولكن اسألك اللطف فيه.

الله يطمنك ويعملك اللي فيه الخير بس ادعي ربك لو حمل الله يثبتهولك ويجعلك فيه بصحة وعافية وكل شيء بأمر الله هو أعلم بالأفضل لك سواء حمل أولا وطمنينا عليكي ,بس الأعراض اللي تقولي عليها ليست تأكيد ع الحمل وبعدين اصبري شوي لموعد الدورة ,وسبحان الله الجماع في أيام التبويض. الله يعمل اللي فيه الخير .وفي كتير حملوا ع طول بعد الاجهاض والله تمم حملهم ع خير. لا تخافي

شكرا حبيبتي على ردك.
بس معلهش ما حدش رد عليا: الافرازات البيضه دي من ايه؟ وازاي فيه الام في البطن والظهر ومافيش اي حاجة في الثدي سواء دورة او حمل؟ كل اللي بيحصل الام خفيفة متقطعة لكن الثدي لم يتحجر او ينتفخ كالعادة, ردوا عليا طمنوني.

الله يطمنك حبيبتي ماعندي فكرة
والله يكتب لك اللي فيه الخير
ان شاء الله البنات يطمنونك

الله يكتبلك اللى فيه الخير ان شاء الله

حبيبتى الله يعمل لك اللى فيه الخير
بس بالله عليكى بلاش تتمنى انك متكونيش حامل ادعى ربنا يعمللك اللى فيه الخير
ممكن يحصل حمل وتكونى كويسه جدا وصحتك حلوة
ادعى ربك بالخير

لا معنديش فكرة بس ربنا يكتبلك الخير وطمنينا عنك

كتبت بواسطة بطوط طماطم

شكرا حبيبتي على ردك.
بس معلهش ما حدش رد عليا: الافرازات البيضه دي من ايه؟ وازاي فيه الام في البطن والظهر ومافيش اي حاجة في الثدي سواء دورة او حمل؟ كل اللي بيحصل الام خفيفة متقطعة لكن الثدي لم يتحجر او ينتفخ كالعادة, ردوا عليا طمنوني.

انا ما حصلت عندي اي الام بالثدي او تحجر مثل ما تقولي يعني اعراض الحمل ممكن تتفاوت من وحده للثانية

بس يا اختي شلون تطلبين مني ادعي عليكي ما تكوني حامل .. انا بس اقول ربنا يحميك من كل شر ومن كل سوء ويعافي بدنك ويقدملك اللي فيه الخير.. انا هوايه شفت بنات في المنتدى قالو انهم حملو بعد الاجهاض مباشرة وولدوا بالسلامة

يا حبيبتي قدرة الله فوق كلام الدكاترة

ربنا يعملك اللى فيه الخير

السلام عليكم: اشكر كل من ردت او علقت, جزاكن الله خيرا, بس انا اخوات بتمنى ان ما يكونش فيه حمل لأني بتعالج من اعراض نفسية وباخد ادوية كتير وخايفة تأثر على الجنين لو فيه حمل, ربنا يستر ان شاء الله.
بس ياريت لو حد يطمني اكتر, النهاردة عملت تحليل منزلي وطلع سالب, وزوجي قالي الاعراض اللي عندي من شرب الحلبة والقرفة وانهم نشطوا المبايض قبل ميعاد الدورة, ومش عارفة ايه الصح, رب اني لا اسألك رد القضاء ولكن اسألك اللطف فيه.