السلام عليكم ورحمة الله وبركاته
اخواتى الحبيبات انا حابة انى اكتب لكم تجربتى فى مستشفى الحسين وحدة الاخصاب المساعد عشان الكل يستفيد وراح اكتب لكم الخطوات والاسعار وكل حاجه عشان اللى مقبلة على العملية تستفيد واللى حابه تخوض التجربة فى المستشفى تستفيد واى سوال انا تحت امركن يا غاليات
طبعا مكان المستشفى داخل جامعة الازهر
اوقات الدوام من السبت الى الخميس من الساعه 8 الصبح الى 2 يستحب انك تروحى بدرى عشان الدور
اول مرحت كان شهر 6 اللى فات رحت فتحت ملف وطلبو لفتح الملف صورة البطاقة وبطاقة الزوج وعقد الزواج
فتحت ملف وقطعت كشف ب 10 جنيه واستنيت حوالى ساعتين حتى دخلت عند الدكتور كان دكتور حسام دكتور بالو طويل وهادى جدا وبيستفسر منك فى كل حاجه سالنى ادق التفاصيل وكل حاجه من بداية الزواج بالتفصيل وعمل لى سونار وقالى انا شايف كيس على المبيض اليمين لو مارحش هأضر انى اسحبو ا وطلب منى تحاليل اعملها الدورة القادمه ابتداء من تانى يوم الدورة تحليل ال اتش و اف اس اتش والبرولاكتين والبرجسترون كان فاضل على دورتى تقريبا اسبوع او10 ايام وكتب لى على حبوب منع الحمل عشان الكيس اللى على المبيض وقالى لما تيجى الدوره اعمل التحليل وبعد التحليل على طول اخد الحبوب لمده 21 يوم جت الدورة وعملت التحليل وطلعت النتايج لاباس بها يعنى كويسه ورحت للمركز قطعت كشف ودخلت للدكتور بس غير دكتور حسام شاف كل حاجه وعمل لى سونار وقالى خليكى مستمره على الحبوب وحدد لى موعد اجى فيه كان اليوم ال21 من الدورة رحت لمواعيد ودخلت عند دكتور اخر اسمو دكتور احمد قرا الملف وقالى هعمل ليكى سونار لو الكيس راح هنباد على طول الابر التحضيريه عمل سونار وقالى الحمد لله مفيش اى حاجه تمنع اننا نبدا كتب لى على الكورس الطويل واخذت العلاج من عندهم اول مره كلفنى حوالى 1900 جنيه ابر تحت الجلد والابر المنشط وفيتامين واسبرين بدئت من اليوم ال 21 ابر تحت الجلد كل يوم ابره فى مواعيد محددة واول ما خلصت حبوب منع الحمل بعدها بكم يوم الدورة نزلت بدئت الابر المنشطه عى ما اعتقد مينوجون كل يوم 3 ابر بودر مع 1 ساتل برضو فى ميعاد ثابت والفيتامين بعد الاكل والاسبرين كمان حباية فى اليوم وانا قبلها بكم شهر كنت باخد الفوليك اسيد وفيتامين سى واى .
ادونى موعد بعد اسبوع من بدا التنشيط لمتابعة التبويض رحت انا وجوزى وابنى وقطعت كشف متابعة تبويض واستنيت حوالى ساعه ونص او ساعتين
دخلت للسونار كانت دكتور واعتقد انها من دكاترة الامتياز وكان اسلوبها ابدا مش حلو عملت لى سونار وما اتكلمتش معاى ولا كلمه ولما خلصت قالت لى التبويض مش اد كده واصلا انا مش شايفه المبيض اليمين قلتلها ازاى يعنى امال هيروح فين قالت للى احنا هنا نظامنا فى المركز عشان نكمل العمليه لازم اقل حاجه يكون عندك ثلاث بويضات وحجمهم كويس وانتى عندك اتنين بس واحد 9 ملم والتانيه 6 ملم فا بالتالى احنا بنلغى العملية يالله على اللحظه دى ربنا ما يرويها لاى حد كللامها كان كالنار على قلبى زعلت وقلت الحمد لله على كل حال اللهم اجرنى فى مصيبتى واخلف لى خيرا منها قالت لى طب استنى بره شويه وطلعت لجوزى بره وانا كلى حزن وحكيتلو اللى حصل واستنيت وشويه نادو عليه تانى جه دكتور اخر غير اللى قابلتهم فى المرات اللى فاتت عملى لى سونار وقال لها المبيض موجود بس تقريبا فيه ضعف وقال لها كنسلى العمليه بعد ما خرج الدكتور طلبت منها انها تذيد لى الجرعه للمنشط يمكن لعلى وعسى الاستجابة تتحسن فى الاول رفضت رفض تام وقالى لى ممكن اذيدلك المنشط وتكون النتيجة هى هى يبقى تعب مادى وتعب جسدى على الفاضى قلتلها معلش انا ما عنديش فرصة غير السنة دى لان احنا اجازتنا شهر واحد فى السنة لما عرفت كده واناا نازلين اجازة عشان العملية ذادت لى الجرعة على مضض المنشط بدل 3 بودر بقى 4 بودر واتنين ميه وابرة تحت الجلد بقت نص ابره فى اليوم بدل ابره كامله وادتنى موعد بعد 4 ايام رحت للموعد وكلاى خوف ورعب وفى نفس الوقت قلت الخيره فيما اختاره الله وتوكلت على الله ودخلت اعمل سونار كان نفس الدكتور اللى الدكتور ندهتو يعمل لى سونار المره اللى قبلها اول ما عمل سونار قالى احنا هنلغى العملي ةمفيش اى تحسن او استجابة قالى تعالى بعد العيد عيد الفطر قلتلو انا مش مقيمه هنا قالى خلاص السنه الجاية خرجت من عندهم وانا مش شايفه قدامى جوزى قالى الحمد لله يمكن ربنا مش رايد لينا الحمل بالحقن المجهرى وهيرزقنا حمل طبيعى سبحان الله اكيد لحكمة لا يعلمها الا الله سبحانه وتعالى ربنا يرزقنى واياكن الذرية الطيبة المعافاه ويحفظ لى ابنى ويجعلة قرة عين لى يارب .
بالنسبه للمركز عموما هوا كويس وحالات كتير هناك ماشاء الله ربنا اكرمهم بالحمل وبيتابعو فى المركز متابعة حوامل ومن ناحية النظافة لاباس به كويس
تكلفة العملية فقط 2000 جنيه من غير الادويه الادويه على حسب كل حالة واحتياجها للمنشط .
يارب اكون قدرت انى اساعد اى اخت مقبلة على العملية وربنا يكلل عمليى اى وحده فيكم بكل نجاح يارب ويرزقها من حيث لا تحتسب الذرية الطيبة المعافاه اللهم امين يارب العالمين
واى استفسار انا تحت امركم .
رد مع الاستدلال
كتبت بواسطة maya2009
الروابط المفضلة