السلام عليكم ورحمة الله وبركاته
عزيزاتى عندى سؤال مين جربت مركز جنين او المركز المصرى لأطفال الانابيب(ابو الغار) بالقاهرة_مصر
وايه رأيكم ايهما افضل والسبب ؟
مسنية ردودكم ضرورى جدا الله يرزقكن بالذرية الصالحة ياااااااااااااااااااااارب
للبحث في شبكة لكِ النسائية:
|
السلام عليكم ورحمة الله وبركاته
عزيزاتى عندى سؤال مين جربت مركز جنين او المركز المصرى لأطفال الانابيب(ابو الغار) بالقاهرة_مصر
وايه رأيكم ايهما افضل والسبب ؟
مسنية ردودكم ضرورى جدا الله يرزقكن بالذرية الصالحة ياااااااااااااااااااااارب
انا عملت عمليتي عند المركز المصري ابو الغار
و كنت عند الدكتوره رجاء منصور
و اول مره كان حمل بس كميائي
و تاني مره الحمد لله العمليه نجحت و انا دلوقتي تقريبا في اخر الخامس
المركز ممتاز من توفير الادويه المحفوظه بشكل جيد جدا لان انت عارفه الادويه بتاعت الهرمونات لازم تحفظ في درحة حراره معينه
و العمليه اتكلفت تقريبا عشرالاف و تاني مره تخفيض الف
هو عيب المركز الزحام فقط
و ربنا يعينك و يدلك علي الصواب
ربنا يخليكي ياااااااااارب يا ميويا ويقومك بالسلامة وتجيبلنا احلى نونو يااااااااااارب
معلش انا هسألك كام سؤال كده وجزاكي الله كل خير
انا سمعت من ناس ان من كتر الزحمة الدكاترة مش بتبقى فاكرة الحالات وبيبقى مفيش اهتمام بالحالات
وان فيه تحاليل مهمة زي تجلط الدم والاجسام المضادة بيهملوها
وان بيتم ارجاع الأجنة في اليوم التالي بعكس مركز جنين مثلا بيرجعوا الأجنة في اليوم الخامس وده بيكون اضمن
مش عارفة والله انا محتارة جدا وهتجنن لأني لفيت على دكاترة كتير ومعندهمش امانه او بيبقوا مش شطار فبجد تعبت ومحتاجة اكبر قدر من المعلومات عشان اقدر احدد المرة دي
ربنا يهديكي للي فيه الصواب وصلي استخارة قبل ما تعملي اي خطوة وان شاء الله ربنا يكرمك ويكتبلك الخير
معلش انا مجربتش المراكز دي "بعمل في مركز تاني" بس حبيت ادخل ادعيلك
انتي هاتبتدي امتى؟
هو ايوه في زحام بس محصلش معايا ان محدش كان نسيني
الدكتوره كانت عارفاني و بتكلمني عن حالتلي و كانت الدكتوره المتابعها معاها كانت دكتوره اكتر من ممتازه اسها دكتوره ليلي كانت شاطره جدا و حنينه و بتكلمك كويس
و بالنسبه للتحاليل حالتلي مكنتش محتاجه فا معلش مشهقدر افيدك في الجزء ده
و بعدين انا رجعولي الاجنه في اليوم الرابع من السحب و ما شاء الله حالات النجاح عندهم عاليه جدا و انا كمان كنت بعمل التحليل E2 كل يومين تقريبا من غير ما ادفع فلوس عكس المراكز التانيه لانها كلها من تكاليف العمليه
وانا اللي رشحلي المركز ده دكتور نساء قريب زوجي لانه عارف المعامل بتاعتهم و شغلهم الدتخلي شكله ايه بس فا هو رشحهم لي
بس اللي قالي عليه لو عاوزه نسبه النجاح تعلي لازم تجربي في نفس المكان مرتين وراء بعض و ده اللي حصل معايا فعلا تاني مره الحمد لله نجحت لان تكرار المحاوله بيزود فرص النجاح
و ربنا يرزقك الذريه الصالحه يارب و يكرمك
بس معلش هو انت اول مره عملتي عمليتك فين
الله يكرمك وييسر بيك امورك ويرزقك رب العالمين الذريه الصالحه انتى زكل منتظرى الحمل حبيبتى وادينى كمان حستفيد معاكى
[QUOTE=مرات جوزها;9101986]الله يكرمك وييسر بيك امورك ويرزقك رب العالمين الذريه الصالحه انتى زكل منتظرى الحمل حبيبتى وادينى كمان حستفيد معاكى [/QUOT
ياريت يا مرات جوزها البنات يفيدونا ومايبخلوش علينا احنا في امس الحاجه للمعلومات اللي هيقولوها ربنا يعلم
ليه يا بنات مفيش أي ردووووووووووووووود
انا عملت في المركز المصري مع دكتورة رجاء مرة واحده
وحصل حمل من اول مرة بس قدرالله انه ميكملش
والحمدلله انا حامل دلوقتي طبيعي
الروابط المفضلة