السلام عليكم
اليوم باقول لكم
الفلم اللي صار معي يوم اولد
بطفلتي الثانيه (السالفه صارت من شهر)
(ذاك اليوم كان فيني ارق ماني عارفه انام
ظليت صاحيه لين الساعه 2ونصف (بعد منتصف الليل)
هااااه واخيرا جاتني النومه
نمت وصحيت من النوم الساعه 4 ونصف الفجر
الا بذاك الالم في ظهري
ورحت الحمام وظليت في الحمام نصف ساعه
ماني قادره اتحرك
لان الانقباضات كانت المسافه بينهم قريبه واجد حوالي خمس دقائق
الا والماي نزل
وبعدين قدرت اتحرك واقوم
انبه زوجي من النوم
مسكين جلس مختلع (حبيب قلبي)
حسباله باقوله قوم تاخرت عن الدوام
الا اقول له قوم بولد ماعندي وقت
هههههه
ورحت بسرعه شلت حليب بنتي (عمرها سنه ونصف)
علشان اوديهها لامي
وكل شي صار بسرعه وديتها
واحنا في الطريق الى المسشفى
الا زوجي يقول لي
شكلها السياره بتوقف
انا حسبالي الرجال يمزح معي
علشان يغير ليي الجو من الالم اللي فيني
الا الرجال صادق
وتتعطل السياره بوسط الشارع
المكينه اختربت
ونوقف بالشارح حوالي نصف ساعه
وانا باموت من الالم
الانقباضات تروح وتجي وكل ماليها المسافه بينهها تقل
وما خلا احد من خويانه مادق عليه (اللي مسكر تلفونه واللي بعده نايم ...الخ)
لان الساعه 5ونصف الفجر
وانا رايحه فيها خفت اولد بالسياره
واخيرا وقف لينا رجال ابن حلال الله يوفقه في الدنيا والاخره
ووصلنا لاقرب مستشفى
بس كانت سيارته عراوي (((يعني متعبه على حدها )))
وعاد احنا شوارعنا
ما شاء الله حدث ولا حرج
لا اجل كيف بتكون على وحده بتولد ((())))
المهم وصلنا وبسرعه
قلت لزوجي يجيب لي كرسي متحرك لاني موقادره امشي
اخدوني الى غرفة الولاده بسررررررررررررررررررعه
الا تقول لي الدكتوره يلا بسرررررررررررعه
ترا ..........
....
....
...
ربع الراس طلع
وضليت
اقاسي الآلام
لين ما ولدت والحمد لله
وجبت بنوته زي القمر
وان شاء الله الله يسهل عليكم
ولا داتكم
وييسر اموركم
ها ايش رايكم باللي صار ليي
والله لين الحين ونا بعدني مرعوبه من اللي صار
من جد خفت اولد بالسياره
الروابط المفضلة