السلام عليكم اخواتي
اكيد اللي ربنا لسه مكرمهاش ومحصلهاش نصيب للحمل بتبقى تعبانة وخاصة لو كان اللي حواليها كثيري السؤال بالعبارة الغلسة
ايه الاخبار لسه مافيش حاجة؟
انا عارفة ان الموضوع ده بيضايق وده لاني مريت بنفس الظروف دي ولما كان لي واحدة حبيبتي اخصائية نفسية قالتلي ان الحالة النفسية بتأثر على التبويض وبتاثر ايضا على قدرة الزوج في بعض الاحيان ده كمان السؤال ده كان بيخليني كل ما تجيني الدورة كنت بحس اني هموت ونفسي اعمل في نفسي حاجة وده مش لاعتراضي على حكم ربنا ولكن لاني كنت بحس اني مكسوفة من اللي حواليا ولما رحت لدكتور النساء اكدلي نفس الكلام وهو ان الحالة النفسية بتاثر على التبويض وقاللي اشيل الموضوع من دماغي ولحد ما رحت للدكتور في مره وقاللي انتي حااااااااااااامل كنت حاسة اني رجلي مش شايلاني من الفرحة ولكن لم يشأ الله ان تدوم فرحتي كثيرا لاني اجهضت وحدث ذلك مرتين وقعدت بعد الاجهاض الثاني 7 شهور ما حملتش وفيهم اتعلمت درس وافتكرت كلام ربن ولان شكرتم لازيدنكم وكنت بداوم على قراءة سورة مريم وعاء سيدنا زكريا
ربي لا تذرني فردا وانت خير الوارثين
وبعدها شاء الله اني حامل وانا الان في الشهر الثالث الله يبشر كل محرومة ويفرحها بحملها عاجلا غير اجلا اميييييييييييييييييييييييييييييييين واستحلفكم بالله تدعولي ربنا يثبت لي هذا الحمل انتظر ردودكم وتجاربكم
الروابط المفضلة