انا حامل فى الشهر الخامس وجوزى عايزانى اعمل الاشعة ثلاثية الابعاد
ولما سأل الدكتور قال له مفيش مشكلة ممكن تتعمل من دلوقتى
انا عايزة اعرف افضل وقت ممكن اعمل فيه الاشعة وهل هذه الاشعة لها اضرار
وعايزة اعرف سعرها فى مصر
وهل الاشعة الثلاثية لها سعر والرباعية لهاسعر وماالفرق بينهم

ارجو الرد

السلام عليكم ورحمة الله تعالى وبركاته

عزيزتى يمكنك عملها الان اذا اردتى

ولكن اذا اردتى ان تشاهدى جنينك بصوره واضحه

وكأنه امامك بكل تفاصيله فانتظرى حتى السابع

يكون افضل لانه كل ما تاخرتى كانت الاشعه اوضح

واما بالنسبه لسعرها فى مصر لا اعرفه بالضبط ولكنها غاليه

وليست مضره لانها مثل السونار ولكن الفرق انها ملونه

ومجسمه فهى تظهر الجنين بادق التفاصيل

ولكن هل هناك سبب لها ام انك ترغبى
فى معرفة تفاصيل عن المولود؟

اتمنى لك حملا امنا وولاده سهله باذن الله
وتقبلي مرورى

هاي يانور
ربنا يكمل لك علي خير
بصي يا حبيبتي انا عملت الاشعة دي و انا حامل في ابني و المهم منها انك تطمني علي القلب و الرئة و الاعضاء مش انك تشوفي شكله او لأ ان شاء الله يجي علي خير و تشوفيه و تقري عينيك بيه ان شاء الله

في 3 أماكن ممكن يتعملوا فيها
الاول " كايرو سكان في المهندسين و كان سعرها من سنة حوالي 400 ج
الثاني : مركز دكتور سعيد التهامي (ممتاز) ده في مدينة نصر و تليفونه ؟؟؟؟؟؟؟؟بس لازم تتصلي نحجزي علشان لازم تكوني في اسابيع معينه من الحمل مش اي حاجه و خلاص و ده حوالي 350 او 400 ج برضه
الثالث : مركز دكتور حسام درباله في شارع التحرير في الدقي بيعمل ثلاثي و رباعي كمان بس مش عارفه اسعاره بس هيه غاليه شوية

و ربنا يطمنك
و انا في الخدمة لو عايزه اي حاجة

سلام عليكم يا نور
الاشعة دي مالهاش اي ضرر ان شاء الله , اهم حاجه زي ما قلت لك انه يطمن علي أعضاء البيبي,

مش عارفة اشكركم ازاى على الاهتمام وشكرا على دعواتكم

السونار الرباعي الأبعاد أو الثلاثي الأبعاد لا اضرار منه بيد مختص بإذن الله
ويمكن أن تعمل المرأة تصوير من بداية الحمل
أما باقي الأسئلة فلا أعرف معذرة
ربي يتمم حملك بخير وسلامة

هم غالباً نفس السعر حبيبتي ولا مالها ضرر لا عليك ولا على الجنين وافضل وقت لعملها هو الشهر السابع يكون الجنين متكون وظاهره ملامح وجهه كويس اما بشهر الخامس ماحيكون واضح مره بس انتي وبراحتك، بالنسبه لي عملت الاشعه الثلاثيه والرباعيه مره بالشهر الثالث والخامس والسادس وكمان عملتها في التاسع وكانت احلى صوره الي بالتاسع

بالنسبه لسعرها عند طبيبي بمصر كانت سعرها 120 جنيه شامله الكشفيه مع الاشعه الرباعيه، اما بالسعوديه فهي اغلى بكثير بـ500 ريال تقريباً

واذا ناويه تعمليها تأكدي من الي يعملها لك يعرف يصور كويس ولا شوفي الصور الي سبق وصورها لأني عملتها ثاني مره بمصر وبصراحه ماكانت مضبوطه مره ولا الصوره واضحه زي بالسعوديه

فتأكدي من هالناحيه نصيحه اعمليها حتفرحي مره فيها، وانصحك تعمليها بالتاسع او الثامن اوضح لشكل الجنين، انا وزوجي كنا مختلفين على اسم النونو لكن لمى عملنا الرباعي ابعاد طلع شكل البنوته واضح واتفقنا واخيراً على اسمها وسميناها حلا ربي يحلي ايامها ويحفظها لي من كل شر

وعسى ربي يتمم لك حملك على خير ويفرحك بشوف ضناك بين يدينك حسن الخلق والاخلاق يارب

ربنا يتم حملك على خير
الاشعة الثلاثية والرباعية مفيش اى فرق بينهم الا وقت التصوير
الثلاثية بتكون ابيض واسود انما الصور اللى بتطلع بعد كدة فى النتيجة تكون ملونة زى الرباعى
اما الرباعى بتكون ملونة اثناء التصوير يعنى بتشوفيها وانتى بتعملى الاشعة على الجهاز
سعرها فى مصر انا عملتها ب220 ودى كانت ثلاثى لكن منصحكيش فى المكان اللى عملت فى لان الصور طلعت مش كويسة
فى مكان تانى فى مصر الجديدة بيعمل الرباعى والثلاثى بنفس السعر هو 280 جنية لو عاوزة العنوان بالضبط اجيبهولك هو ورقم التليفون
انسب وقت لعمل الاشعة فى اخر الشهر السابع انا عملتها كنت 5 ونص والدكتور مش اكدت نوع الجنين بنسبة 100 % قالت لى اللى قدامها دلوقتى بنت لكن ممكن يكون ولد ومش ظاهر دلوقتى لان الاعضاء لسة صغيرة ودة غير اننا مقدرناش نطمن على الاعضاء الداخلية لنفس السبب
اصبر لنهاية السابع ان شاء الله

ربنا يقومك بالسلامه
انا فى حملى عملتها فى اول التامن والدكتور مكنش راضى يعملها لانه قالى ان المفروض انها تتعمل من الرابع الى السابع لان الجنين بيبقى لسه صغير ويقدر يتحرك اكتر
اه انا معاهم ان شكل الجنين فى الاواخر بيقى واضح اكتر لكن الاهم هو الاطمئنان على القلب والمخ وتدفق الدم من الحبل السرى
اما بالنسبه للسعر فانا عملتها عند دكتور فى مصر الجديده ماشاء الله عليه بيقعد يعمل فى السونار اكتر من ساعه عشان يطمن على كل حاجه ويعمل تقرير وصور وسى دىلو عايزه عنوانه انا تحت امرك انا عملته الثلاثى والرباعى والدوبلر ب300 جنيه
اما الفرق بين الثلاثى والرباعى تقريبا الابيض واسود والالوان