حبيبتي انا عانيت من التهاب المسالك البوليه وكمان نزلت على الكلى اليمنى بنفس الوقت من حملك بشهري الخامس، وكمان عانيت من التهابات في المهبل والرحم بس الحمدلله تعالجت منها كلها وهذا شئ شائع في الحمل لنقص المناعه وكمان تغير الاوضاع في جهاز المراءه التناسلي خلال الحمل
طريقة العلاج، ان الدكتور يعملك مزرعة بول وانتي بكرامه وراح تطلع المزرعه بعد اربع ايام تأخذين المصاد بمدته كامله وبعدها اعملي تحليل بول علشان تتأكدي ان البكتريا قتلت كلها والله هو الشافي، هذا في حالة التهاب مسالك فقط او التهاب في الكلى اليمنى لعلمك انه شائع جداً في الحمل ياعمري يعني لاتحزني
عموماً دائماً التهابات المسالك تترافق مع التهابات المهبل او الرحم علشان كذا الدكتور او الدكتوره المختصه لازم تعمل لك مسحه مهبليه علشان تتأكد عدم وجود التهاب في الرحم او المهبل لانها حتكون مضره لك ولجنينك ونفس الشئ حتوصف لك الدكتوره مضاد حيوي بس في حالة التهاب المهبل او الرحم لازم انتي وزوجك تأخذوا العلاج ويمنع منعاً باتاً اي جماع خلال العلاج لعدم تناقل البكتريا
وهذي كم نصيحه سبق ونشرتها لوحده من الاخوات عانت من التهابات في المهبل امشي عليها وانشاء الله ربك الشافي
<<<شوفي وش تسوين وقفي الجماع بينك وبين زوجك لانك الحين عاديتي زوجك روحي للطبيبه خليها تاخذ لك مسحه مهبليه وتسوي لك مزرعة بول وانتي بكرامه، عن طريق نتائج المسحه والمزرعه البوليه راح تعطيك ادويه مضادات حيويه لازم تاخذيها انتي وزوجك ضروري انتي وزوجك ولاتخافي مراح تأثر الادويه على الجنين لان الدكتوره راح تختار لك ادويه معينه ماتأذي الجنين بس لازم تسوين المسحه والمزرعه البوليه لا تأخذي الادويه عشوائياً،،،
راح توصف لك كمان كريم خارجي بما انك حامل مراح توصف لك اي تحاميل استخدمي الكريم بنظام والغسول، ووقفي استخدام اي شي من تحت غير المويه الدافيه كتنظيف من تحت لا تستخدمي الصابون ولا اي نوع عطور ولا تسمعي نصيحة اي احد من ناحية الخلطات وحوستها لانها راح تزود عليكي الالتهابات،،،
ملابسك الداخليه ( او السروايل او الكلس على حسب ماتسمونه) انتي وزوجك لازم تعقم بدرجه لا تقل عن 90 درجه مئويه، فيه اكثر من طريقه:
1. انك تغسلي السراويل عادي وبعدين تحطيم في قدر وتشغلي النار وتخليهم لين تغلي المويه.
2. ان كان عندك غساله اتومتيك راح تلقين فيها خيار التعقيم حطي عليه وارفعي درجة الحراره الى 90 درجه مئويه.
3. انك تغسليهم عادي وتنشفيهم وبعدين تكوينهم بالمكوى على مكان المنطقه الحساسه.
4. انك تغسلينهم عادي في حالة وجود عندك سخانه او نشافه تحطينهم بالسخانه حقة الملابس dry cleaner وترفعين درجة الحراره الى 90 درجه مئويه.
ضروري تعقم الملابس الداخليه علشان تقتلين البكتريا الي تطلع من افرزاتك وافرزات زوجك،،،
زوجك حامل للألتهابات بمجرد انك انتي فيك التهابات فلازم انه يتعالج معاك في حالة انه رفض العلاج بمجرد ماانك تتعالجي ويجامعك بعدين راح ترجع لك الحاله مره ثانيه، وان ترك الموضوع على حاله ممكن تتطور الحاله الى ان يصير تقشر على منطقة القضيب وحساسيه شديده وممكن ينزل الالتهاب داخل الانبوب وبعدين الى البروستات ويسبب له التهاب في البروستات والعياذ بالله وبعدها ويوصل الى التضخم فلا تهملي زوجك، او هو يهمل حاله،،،
الادويه لازم تؤخذ في وقتها بدون تأخير ولا حتى دقيقه علشان نتائج افضل واسرع، اوعيكي تحكي المنطقه ولا راح تتشوه وتسود،،،
ممنوع الجماع منعاً باتاً بينكم خلال فترة العلاج ولا مافي اي فايده، في حالة الرغبه الشديده وماقدرتوا تصيطروا على حالكم استخدموا الواقي الذكري او مايتسمى الكوندوم ولازم يتخلص منه بعد الجماع على طول، بدون اعادة استخدامه مره ثانيه،،،
وربي يشفيك ياحبيبتي
وسلامتك الف سلامه >>>>
الروابط المفضلة