السلام عليكن أخواتي......
انا جديدة في المنتدى,و لكن متابعة المنتدى من زمان.
انا متزوجة من سنة و3 أشهر و سبق أن حملت لكن ربي ما أراد انو يتم الحمل و أجهضت في الشهر الثالث, كان الحمل عنقودي و عملت تنظيف و هذا كان من 7 أشهر.
بعد الإجهاض أجلنا انا و زوجي الحمل لمدة 4 شهور بناء على تعليمات الطبيبة بس انا كانت نفسيتي تعبانة و كنت حابة الله يعطيني ولد أو بنت.
بعدين سافرنا انا و زوجي للمغرب عشان زوجي انتقل شغله هناك.
صارلي 4 شهور في المغرب و صارت الدورة تتأخر بس ما في حمل, و بعدين اخر دورة اجتني في شهر 11, و عملت تحليل حمل بس ما كان في حمل.
رحت للدكتورة و صورتني حكتلي انو عندي أكياس على المبايض عشان هيك الدورة بتتخربط و حكتلي انو ما رح يصير حمل و الدورة مش منتظمة.
المهم, أعطتني دواء يجيب الدورة و أدوية لمدة 3 أشهر منها منشطات للمبايض و حكت انو الحمل انشاءلله بصير بعد ما أخلص كل الدواء.
بعد ما خلصت أول دواء استنيت الدورة تيجي بس ما إجت, بعد أسبوع عملت تحليل منزلي و طلع خطين و واضحين كمان.
رحت للدكتورة اليوم و عملتلي سونار و كان كيس الحمل واضح و عمر الحمل7 أسابيع
يعني كنت حامل قبل ما أروح للدكتورة المرة الأولى بس ما بين معها عالسونار لأنو الحمل كان لسا عمره أيام.
حملت على الرغم من انو عندي أكياس على الميايض و خربطة الدورة....الله كريم بس لازم دايما عنا ثقة بالله و دايما كنا أدعي ربنا و أستغفر, و الحمدلله ربنا ما خيب ظني و عوضني خير عن حملي الأول,,,, ربنا كبير.
انا و زوجي طايرين من الفرح .... ادعولي أخواتي الله يتمملي على خير و عقبال كل واحدة مشتهية ياااا رب
الروابط المفضلة