السلام عليكم ورحمه الله وبركاته

تزوجت الحمدلله منذ 5اشهر ,طول الدوره بتاعتي 27 يوم ولكن في مره واحده كانت 30 يوم.

مشكلتي هي اني يوم الخميس اللي فات (20-11-2008) اللي هو مفروض اليوم 26 للدوره جالي مغص اسفل البطن يجي ويروح ولم تنزل الدوره واستمر المغص يجي ويروح يوم الجمعه والسبت والاحد ولم تنزل الدوره مع وجود انتفاخ بالصدر وحاجات حول الحلمه مثل رؤؤس الدبابيس ثم استنيت يوم الاتنين اللي هو المفروض يبقي يوم 30 للدوره بتاعتي قولت يمكن تنزل لان عمرها مابتطول عن كده المهم منزلتش روحت شريت اختبار حمل منزلي وعملته بعد العشا وطلع خطين واحد غامق والتاني فاتح جدا جدا جدا تركزي اوي عشان تشوفيه مبقتش عارفه هل حمل ولا لأ ؟؟؟؟؟؟؟

ثم امبارح يوم الاتنين (25-11-2008)الموافق اليوم 31 للدوره جالي مغص رهيب جدا جدا جدا اكتر من مغص الدوره ووجع في ظهري رهيييييب جدا برضه اكتر من مغص الدوره وبعدين لاقيت نقظه دم بني صغيره جدا نزلت عليا وفضلت اتالم كتير اوي فتره ثم بعد كده هدي المغص شويه وبعدين لاقيت بقعه اكبر غامقه في الفوطه (اكرمكم الله ) وحسيت بنغزات في الرحم احسن بنغزه وبعدين تروح وبعدين نغره وتروح ثم توقفت النغزات ثم لم ينزل مني اي شئ لحد انهارده الصبح قومت من النوم ملقتش اي حاجه بس بدأ معايا مغص علي خفيف وبعدين نزل معايا دم من شويه ومش عارفه هل هو دم دوره ولا ايه ؟ ومش عارفه اعمل ايه ؟

هل انا حامل وبسقط ولا هل ديه دوره ومتاخره بس هل تتاخر عليا للدرجه ؟هل اروح للدكتوره اشوف فيه ايه ؟ ارجوكم ساعدوني الله يكرمك يارب ويرزقكم بالذره الصالحه يارب

حبيبتى الف سلامة عليكى الاول ومفيش تسقيط ولا حاجة

هو كده يا حبيبتى في اول الجواز تيجى متاخر وتيجى بدرى والالم بتاعها بيبقا متغير انا حصل معايا كده برضوا والالم كان وحش جدا ودخلت المستشفى بس الدكتورة قالتلى ان هو كده اول الجواز الدورة والهرمونات بتبقا متغيره ومتلغبطة وكانت قبل الجواز منتظمة جدا وبعد الجواز بقيت بتتاخر بالـ 15 يوم وبعدين احسن وقت لتحليل الحمل المنزلى اول ما تصحى من النوم الصبح أى وقت تانى بيدى نتيجة غلطة وانتى قولتى ان في خط باين وواضح وخط خفيف كده معناه ان مفيش حمل متقلقيش يا حبيبتى من أى حاجة ان شاء الله خير وربنا يرزوقك بزورية الصالحة ان شاء الله وروحى لدكتور برضوا عشان تطمنى وقلبك يطمن

ان شاء الله تكوني حامل بدون مشاكل بس احسن روحي للدكتور افحصي علشان تطمني

ان شاء الله حاااااااااااااااااامل
روحي حللي دم واتأكدي وربنا يكرمك يارب

اختي حللي دم عشان لو كان مافي حمل
تشوفي ايش المشكله اللي عندك
بالتوفيق

روحى سوى تحليل افضل

ان شاء الله تكوني حامل

مشكورين يابنات الله يكرمكم يارب علي ردودكم السريعه وتجاوبكم اله يرزقكم الذريه الصالحه ويجازيكم خير
ان شاء الله اروح للدكتوره اطمن يارب خير
مشكورين بنات مره تانيه

لا ياحبيبتي ممكن جدااااا تكوني حامل اعملي تحليل بول مرة ثانية او اعملي تحليل دم لقطع الشك باليقين وربنا يرزقك الذرية الصالحة

السلام عليكم

أختي الفاضلة أنا اعتقد انك حامل و الله اعلم الا اني جرى لي مثلك

انا دورتي منتظمة 28يوم حتى بعد الزواج لكن يوم ما حملت اتأخرت علي 4 أيام و قبلها بأسبوع يجيني وجع مثل وجع الدورة و عملت تحليل البول اعزك الله طلع خط احمر و خط احمر فاتح و في اليوم الخامس نزل دم مثل الدورة لمدة يوم واحد و انقطع الدم ثم اعدت التحليل و طلع لي خطين بالأحمر

و بعدها رحت الطبيبة و تأكدت من الحمل و قالت ان عادي الدم اللي نزل و كمان الوجع لأن الرحم يتسع لاستقبال الجنين و أنا الأن و لله الحمد و الشكر في الشهر الثالث

طمنينا عنك لما تجي من عند الدكتورة