كتبت بواسطة doaa hamdy

يلا يا بنات مصر فين التفاعل
احنا حوامل لاول مره وعايزين نستفيد ومشكوره شذي الفواح علي الموضوع

العفووو حبيبتى

انا باتمنى تولدو بالسلامة وتيجو تبشرونا

كتبت بواسطة ورده مصريه

السلام عليكم ..

الموضوع حلو اوى اشكرك عليه عليه جدا لأنه مفيد يا الشذا الفواح

الاسم:مستشفى وادى النيل
والعنوان:كوبرى القبه .. اعذرونى مش متذكره العنوان كويس
ولو الاسعار:4000 جنيه للطبيعى+( مصاريف الدكتور) ـــــــــ و6 للقيصرى
مستوى الخدمات والمعاملة: فوق الممتاز
مستوى النضافة :جيد جدا
اسم الطبيبـ/ـة المعالج:دكتور / حسين يوسف
عنوان الطبيبـ/ـة:30ش الفالوجا - العجوزة
تقييمها له/ـا واسعار الكشف والولادة:هو دكتور ممتاز مستمع جيد وصبور جدا وساعدنى على هدوء اعصابى خلال فتره الحمل والولاده كذلك وخصوصا انها اول مره ..
اسعاره مناسبه 50 كشف و60 سونار وايده فى الولاده حوالى الف

انا اللى اشكرك جدا ياوردة علشان جيتى تفيدى الامهات الحوامل بخبراتك

منوورة

مشكورات جدا علي الموضوع
ده اول حمل ليا وعاوزة استفيد من خبراتكم
مفيش حد دخل من الاسكندرية ليه يقولنا علي المستشفيات

العفوو حبيبتى

ابقي معنا سلمى وان شاء الله تجدى مايفيدك
كونى معنا>>>>>سدئت نفسها

انا ولدت ابنى ربنا يبارك لى فيه ويبارك فى عيالكم اللهم امين
اسم المستشفى عبد القادر فهمى
والعنوان:مصر الجديده بس مش عارفة العنوان بالضبط لان بابا اللى كان عارف المكان بيروح بيا لان زوجى مسافر
الاسعار:4000 قيصرى وعلى ما اعتقد الطبيعى 2000

مستوى الخدمات والمعاملة: ممتاز جدا

مستوى النضافة :جيد جدا

اسم الدكتور : ماجد ابو سعده عيادته فى مصر الجديدة 60شارع الخليفة المامون-روكسى
دكتور ممتاز والكشف عنده 80
متابعة من اول الحمل لحد الولاده 500 بس

ربنا يباركلك في ابنك ويجعله من الصالحين يارب

جزاكى الله خير على مشاركتك معنا يا حبوبة

اختى الشذى الفواح ربنا يجزيكى عنى وعن كل بنات مصر كل خير

وشاكره جدا على اهتمامك

وبجد انتى أفدتينى ربنا يسعدك ويبارك لك في خوخه وعبد الرحمن

ومرسي اوى على الموضوع المفيد جدا

محدش يعرف حاجه عن مستشفى السلام الدولى

الله يخليكى يا قلبي

ان شاء الله تستفيدى منو وتجيبي احلى بيبى ويكون ابن صالح وبار او بنوتة حلو ومطيعة يارب

تابعى الموضوع ياعسل يمكن تلاقي حد يفيدك
وانا هاسال لك برضو قرايبي

كتبت بواسطة الشذى الفواح

العفووو حبيبتى

انا باتمنى تولدو بالسلامة وتيجو تبشرونا

ربنا يخليكي يا قمر
وياريت كمان لو بنات من بره القاهره يتفاعلوا معانا
عشان الاستفاده تكون اكتر

مشكوووووووووره حبيبتى على فكرتك الرائعه بجد فرحت لانى محتاجاها جدا جداانا لسه فى الرابع بس الدكتوره بتاعتى بتولد فى مستشفيات عبد القادرفهمى ومستشفيات تبارك فقط ومن اللى قرأته ان عبد القادر فهمى غاليه اوى الصراحه على امكانياتى فياريت تقولولى مستشفى تبارك سيئه من ناحية ايه بالظبط علشان لو كده يبقى اغير الدكتوره واذهب لمستشفى اخر

السلام عليكم ورحمه الله وبركاته
اختي العزيزه اشكرك على الموضوع المفيد
انا اتحجزت في مستشفى لمده 3 ايام وولدت في مستشفى تانيه فانا هكتب عن الاتنين لان في فرق كبير

الاسم : مستشفى النزهه الدولي
العنوان : مساكن شيراتون القاهره
بس دي انا مولدتش فيها لكن التمريض واستاف الدكاتره والاجهزه فوق الممتازه
الاسعار: الطبيعي 2000 والقيصري 2500 لو ولدت مع دكتور من المستشفى
لكن لو دخلت حاله دكتور معين الطبيعي بيكون 1350 والقيصري 2000 غير اجره الدكتور شامل الاقامه والتمريض وفتح اوضه العمليات

الاسم : مستشفى مصر للطيران (( اللي ولدت فيها))
العنوان : الماظه امام موقف السوبر جيت
الاسعار : 1500 للطبيعي و 2500 للقيصري لو ولدت مع دكتور من المستشفى
و 800 طبيعي و 1500 قيصري لو ولدت مع دكتور معين زي حالتي
مستوى الخدمات والمعامله : الخدمه والتمريض ممتازه بما اني كنت نازله في جناح
لكن مستوى الغرف العاديه والنظافه والاجهزه والاطباء والعنايه بالاطفال والحضانات زفت اقذر من اي مستشفى حكومي
اسم الطبيبـ/ـة المعالج : الدكتور ياسر ابو طالب
تقييمها له/ـا واسعار الكشف والولادة : يارب يجازيه كل خير عن حسن رعايته ليا وخصوصا بعد فتح جيب المياه وعمل المستحيل علشان مولدش بدري لكن للاسف اضطر يولدني بدري بعد تسرب المياه كلها وتعرض البنت للخطر في بطني اما اسعاره الكشف 100 شامل السونار واستشاره والمتابعه طول الحمل ب 600 شامله السونار وتطعيم التيتانوس مرتين والولاده 1350 طبيعي و 2350 قيصري دي اتعابه غير المستشفى وبيولد في مستشفى الرحمه في مصر الجديده وكليو باترا و النزهه الدولي والميزه فيه انه مش مادي رغم انه عنده معمل في العياده الا انه ارخص من برا ومش بيطلب تحاليل عمال على بطال وبصراحه عمل حركه عجبتني جدا رغم انه مكانش ملزم يعمل كده
انه الغى تعاقده مع مصر للطيران بسبب وفاه بنتي الله يرحمها وكتب في سبب الغاؤه للعقد اهمال في احدى حالاته
عنوان الطبيبـ/ـة : 114 شارع عثمان ابن عفان مصر الجديده خلف سور الكليه الحربيه

بس الله الرحمن الرحيم
جميل اوى موضوعك يا قمر
ان شاء الله انا ولدت ولادى الاتنين الله يحفظهم فيها

الاسم:مستشفى الجلاء للولادة
والعنوان:فى رمسيس ش الجلاء

ولو الاسعار:كانت من حوالى 4 سنين ب 3000 وحاجة بس مش فاكرة كام اما فى يوسف كانت 5 الف
مستوى الخدمات والمعاملة:يعنى هى كانت تعتبر كويسة التمريض ممتازين فى شغلهم بس مفيش متابعة كل فين وفين
يجوا يبصوا عليا
دة فى بنتى ربنا يخليهالى
اما فى يوسف ربنا يحميه برضوا ولدتة فى نفس المستشفى بس بعد 4 سنين
مستوى النضافة :كانت كويسة وعلى فكرة كنت فى القسم الفندقى
اسم الطبيبـ/ـة المعالج:محمد اسماعيل الشريف
عنوان الطبيبـ/ـة:هو فى ش ترسة الطلبية الهرم
بس مش فاكرة بالظبط رقم العمارة
تقييمها له/ـا واسعار الكشف والولادة:هو بصراحة دكتور شاطر جدااا وهو نائب مستشفى الجلاء
اسعار العيادة 100 بالسونار 30 كشف 70 سونار بس

ربنا يخليكي يا قمر
وياريت كمان لو بنات من بره القاهره يتفاعلوا معانا
عشان الاستفاده تكون اكتر

تسلمى حبيبتى

ان شاء الله تستفيدى

كتبت بواسطة سوسوميمو

مشكوووووووووره حبيبتى على فكرتك الرائعه بجد فرحت لانى محتاجاها جدا جداانا لسه فى الرابع بس الدكتوره بتاعتى بتولد فى مستشفيات عبد القادرفهمى ومستشفيات تبارك فقط ومن اللى قرأته ان عبد القادر فهمى غاليه اوى الصراحه على امكانياتى فياريت تقولولى مستشفى تبارك سيئه من ناحية ايه بالظبط علشان لو كده يبقى اغير الدكتوره واذهب لمستشفى اخر

اولا العفوو حبيبتى على ايه انا معملتش حاجة
ربنا ييسر لك الحمل وتولدى ولادة سهلة ان شاء الله
بصي ياجميل انتى مش شرط انها عشان بتولد في دول يبئا مش هاتروح حتة تانية لان في دكتورات انتى تختارى مستشفى مثلا عجبتك او حد جربها وبتئوليلها عليها وهى بتتفق معاهم او بتنسق الموضوع معاكى وكده بس المهم انتى الاول بتتصلي بالمستشفى اللى اخترتيها وتساليهم انا اولد عندكو مثلا وحبزا لو هما تبع النقابة بتاعتك بس الدكتورة مش متعاقدة معاكو فهل ممكن تولدنى عندكو وانا اتحمل الدكتورة واحاسبكو انتو على الباقي من التخدير للتمريض ل.. كزا ..

في مستشفيات بتوافق زى القاهرة التخصصي انما انا لما طلبت ايام حملى مستشفى وادى النيل ماوافقوش بس لانهم تبع القوات المسلحة او المخابرات حاجة زى كده

وثانيا ياستى قولي انتى عاوزة في حدود كام ولو تبع نقابة تبع ايه؟ وعاوزة مستشفى فين وانا اقوللك ان شاء الله؟ ولو عاوزة تراسلينى عالخاص وانا اقوللك ولو مش عارفة هاسال لك
عينيا ليكو يا حوامل

كتبت بواسطة ملك روحي انا

السلام عليكم ورحمه الله وبركاته
اختي العزيزه اشكرك على الموضوع المفيد
انا اتحجزت في مستشفى لمده 3 ايام وولدت في مستشفى تانيه فانا هكتب عن الاتنين لان في فرق كبير

الاسم : مستشفى النزهه الدولي
العنوان : مساكن شيراتون القاهره
بس دي انا مولدتش فيها لكن التمريض واستاف الدكاتره والاجهزه فوق الممتازه
الاسعار: الطبيعي 2000 والقيصري 2500 لو ولدت مع دكتور من المستشفى
لكن لو دخلت حاله دكتور معين الطبيعي بيكون 1350 والقيصري 2000 غير اجره الدكتور شامل الاقامه والتمريض وفتح اوضه العمليات

الاسم : مستشفى مصر للطيران (( اللي ولدت فيها))
العنوان : الماظه امام موقف السوبر جيت
الاسعار : 1500 للطبيعي و 2500 للقيصري لو ولدت مع دكتور من المستشفى
و 800 طبيعي و 1500 قيصري لو ولدت مع دكتور معين زي حالتي
مستوى الخدمات والمعامله : الخدمه والتمريض ممتازه بما اني كنت نازله في جناح
لكن مستوى الغرف العاديه والنظافه والاجهزه والاطباء والعنايه بالاطفال والحضانات زفت اقذر من اي مستشفى حكومي
اسم الطبيبـ/ـة المعالج : الدكتور ياسر ابو طالب
تقييمها له/ـا واسعار الكشف والولادة : يارب يجازيه كل خير عن حسن رعايته ليا وخصوصا بعد فتح جيب المياه وعمل المستحيل علشان مولدش بدري لكن للاسف اضطر يولدني بدري بعد تسرب المياه كلها وتعرض البنت للخطر في بطني اما اسعاره الكشف 100 شامل السونار واستشاره والمتابعه طول الحمل ب 600 شامله السونار وتطعيم التيتانوس مرتين والولاده 1350 طبيعي و 2350 قيصري دي اتعابه غير المستشفى وبيولد في مستشفى الرحمه في مصر الجديده وكليو باترا و النزهه الدولي والميزه فيه انه مش مادي رغم انه عنده معمل في العياده الا انه ارخص من برا ومش بيطلب تحاليل عمال على بطال وبصراحه عمل حركه عجبتني جدا رغم انه مكانش ملزم يعمل كده
انه الغى تعاقده مع مصر للطيران بسبب وفاه بنتي الله يرحمها وكتب في سبب الغاؤه للعقد اهمال في احدى حالاته
عنوان الطبيبـ/ـة : 114 شارع عثمان ابن عفان مصر الجديده خلف سور الكليه الحربيه

وعليكم السلام ورحمة الله وبركاته

العفووووو حبيبتى
الله يرحمها يارب ويعوضك ان شاء الله
اكثري من قول:"الله اجرنى في مصيبتى واخلف علي خيرا منها"
وقال تعالى:"وبشر الصابرين*الذين اذا اصابتهم مصيبة قالو انا لله وانا اليه راجعون*
اولئك عليهم صلوات من ربهم ورحمة واولئك هم المهتدون"
ودى بشرى لكل من قال انا لله وانا اليه راجعون وصبر واحتسب
جزاكى الله كل خير على افادتك وتعاونك

معلش ياسوسو نسيت الحتة دى

فياريت تقولولى مستشفى تبارك سيئه من ناحية ايه بالظبط

بصي انا عن نفسي سمعت قصتين والاتنين اعرف الشخصيات وحدة صاحبتى وهى
كان عندها مشكلة في القلب اختها اللى حكتلى انها لما راحت هناك وكده وهى في وسط الطلق وتقريبا خافو من موضوع التخدير عشان القلب وكده فراحو جابو عربية ونقلوها عالدمرداش طبعا موقف صعب بس دة لانهم معندهمش امكانيات كافية لاسعافها لو لاقدر الله حصل حاجة

والتانية بنت عمتى بس كان عندها مشكلة مرضية والمووهم ودوها عالدمرداش وولدت وقتها في السابع والبنت دخلت حضانة واتوفت الله يرحمها وهى جالها تضخم في الكبد ونقل دم وشغلانة بس الحمدلله اتعالجت وطلعت لكن ...

للاسف هما امكانياتهم مش كافية واول مابيحصل موقف في النص بيلحقوها عالدمرداش

لكن في الاخت فراولة ولدت فيها بتشكر فيها انما دة اللى اعرفه

ربنا يبعد عنك وعن الجميع الامراض يارب وتولدو بالسلامة

كتبت بواسطة lolo habeby

بس الله الرحمن الرحيم
جميل اوى موضوعك يا قمر
ان شاء الله انا ولدت ولادى الاتنين الله يحفظهم فيها

الاسم:مستشفى الجلاء للولادة
والعنوان:فى رمسيس ش الجلاء

ولو الاسعار:كانت من حوالى 4 سنين ب 3000 وحاجة بس مش فاكرة كام اما فى يوسف كانت 5 الف
مستوى الخدمات والمعاملة:يعنى هى كانت تعتبر كويسة التمريض ممتازين فى شغلهم بس مفيش متابعة كل فين وفين
يجوا يبصوا عليا
دة فى بنتى ربنا يخليهالى
اما فى يوسف ربنا يحميه برضوا ولدتة فى نفس المستشفى بس بعد 4 سنين
مستوى النضافة :كانت كويسة وعلى فكرة كنت فى القسم الفندقى
اسم الطبيبـ/ـة المعالج:محمد اسماعيل الشريف
عنوان الطبيبـ/ـة:هو فى ش ترسة الطلبية الهرم
بس مش فاكرة بالظبط رقم العمارة
تقييمها له/ـا واسعار الكشف والولادة:هو بصراحة دكتور شاطر جدااا وهو نائب مستشفى الجلاء
اسعار العيادة 100 بالسونار 30 كشف 70 سونار بس

الله يخليكى يا البي
ربنا يباركلك في الاولاد ويخليهملك يارب
متشكرين على المعلومات والله