الله يفرج همك يارب و الله انا كمان اتحطيت في نفس الموقف يعني فعلا مش انتي لوحدك و سبحان الله كل شيئ بأمر الله
شوفي استغفري كتير زي ما قالوا الاخوات و كمان داومي علي سبحان الله وبحمده 100 مرة كل يوم سورة يس و البقرة و الواقعة و الله يرزقك
احنا مالنا غير الله

تعالي هنا كده شويه عشان أقرصك فودنك....أيه يا بنتي الجو الغامق ده...سيبك من الناس وكلامها اللي عاوز ضرب النار...ما يقولو اللي هما عاوزينه ...انتي خليكي أهدي من كده وخلي أيمانك بالله أقوي من كلامهم وتدخلهم في حياتك..واتعودي اللي يتعدي حدوده معاكي فالموضوع ده تصديه بس بهدوء برضه...يا بنتي الناس عمرها ما بتريح دماغها ومهما كانو علي عم وثقافه سبحان الله تلاقي الجهل بينط من عنيهم وكلامهم فموضوع الحمل ده بالذات قال ايه يعني هما اللي زي الفل ومرتاحين ....سييييييييييبك بجد من كل ده وبطلي خنقه المهم جوزك يكون كويس معاكي وحتي لو مش كويس هو كمان انتي مفيش بأيدك حاجه ده أمر ربنا ...تقدري تقولي لربنا خلقتني ليه شكلي كذا ولا حياتي كذا"أستغفر الله يعني"...أنتي بس خدي بالاسباب ومتيأسيش يعني روحي لدكتور واتنين وتلاته وطمني علي نفسك ...ولما ربك يأذن هيكون "ماشاء الله كان ومالم يشأ لم يكن".....وبعدين متقعديش لوحدك كتير خليكي معانا طول النهار فالمنتدي كأننا قاعدين فالصالون سوا يعني مش هتلاقي أحسن من كده صحبه...والاهم بيق من كل ده أدعي ربنا من قلبك وان شاء الله ربنا مش هيردك أبدا....وفي حاجه كمان بيق فالاخر كده...عاوزاكي تفتكريلي الكلمتين الحلوين بتوعي دول علشان لما أقفل انا كمان وأبقي كئيبه تسمعيني كلمتين حلوين....ههههههههه ..لأن انا كمان متجوزه منأكتر من سنتين ولسه ربنا مأمرش ...بس انا بقي ايه ..اللي بيعدي حدوده معايا ..بسكه علطوووووول....يلا روقي كده وبلاش تنكدي علي نفسك وعلي الراجل ..أحسن يتجوز عليكي بجد...هههه...هستناكي تطمنيني عليكي بكره....سلام

{السلام عليم ورحمه الله وبركاته} {جوتشى ،شموع الزكريات ،doaa hamdy ،أمووورة ،وردة مصريه ،shamooo0 ،ملك روحى :} أخواتى الغاليات اسعدنى مروركم واهتمامكم خفف عنى كتير وردودكم كانت بلسم شافى لألمى اشكركم جداااااا جدااااااا فعلا انتو ا أجمل اصدقاء ممكن الاقيهم فى حياتى ربنا يحفظكم و يبارك لكم

{السلام عليكم ورحمه الله وبركاته }شكرا خالص يا رونه لردك حبيبتى وإهتمامك

{السلام عليكم ورحمه الله وبركاته} بكتبلك بالفوشيه اهو_ انتى بجد لذيذه ودمك خفيف ::انا كنت كده لكن بعد رسالتك لقيت نفسى كده ربنا يسعدك ويرزقك الزريه الصالحه عاجل لا آجل بعون الله وانا هسمع كلامك وهبقى معاكم علطول ان شاء الله لانكم فعلا صاحبات اجمل قلوب بس ممكن اتعرف باسم الجميييييييييل ولا سر انا اسمى آيه ،وشكرا ليكى حبيبتى

ربي يرزقك و يرزقنا الزرية الصالحة عاجلا غير آجل يااااارب

- عناوين المواضيع يفضل أن تشير إلى المحتوى حتى يسهل الحصول على الموضوع بالبحث عنه ،،
هذا و قد يتم تعديل العناوين دون الرجوع لصاحبته .او اغلاقه لو كان الاستفسار مكررا..تمنع المواضيع مثل ساعدوني أرجوكم
محتارة , ارجوكم ردو , استحلفكم بالله تدخلوا وغيرها الكثير.

الرجاء الالتزام بالقوانين
http://www.lakii.com/vb/showthread.php?t=249463