السلام عليكم بنات وحوامل لك العسولات
كيفكم وكيف كروشكم ... الله يتمم لي ولكم على خير ويهون على الواصلات في الولادة يارب
بنات والله محتارة مدري وش أسوي ياليت تفيدوني...
أنا حامل في الشهر ؟؟ يعني مدري أي شهر يمكن الرابع أو الخامس لأني بصراحة ماكنت أرجع عند الدكتورة ألا للشديد القوي ولي فترة ماراجعت يمكن شهر أو أكثروآخر مرة رحت لها فيها قالت لي أن المشيمة عندي نازله ....
والأيام هذي يجيني ألم شديد في بطني مرة مغص ومره أحسه منفوخ شوي وينفجر حتى النوم ماأقدر أنام
قررت أروح لها زيارة حتى أشوف وش السالفة وكانت المفاجئة ....!!
الدكتورة سافرت وماراح تجي لبعد رمضان ومافي أحد مكانها والله تضايقت وكنت ببكي من الهمّ ... لأني ماأعرف أحد غيرها
سألت جيراني ومعارفي عن طبيبة شاطرة وتخيلو طلعو كلهم مسافرات ونفس الشئ لبعد رمضان وأنا تعبانة مرررررة وش أسوي؟؟
ياليت اللي تعرف طبيبة شاطرة ومجربتها تدلني عليها أنا في الرياض وسويت بحث في كذا موقع ألقاهم يمدحون في طبيبات لكن بعيدات عن سكني كثير وزوجي مايرضى يوديني للأماكن البعيدة يتعيجز لا ومع الزحمة في الشوارع شئ ثاني
آآآسفة طولت عليكم وقصيت لكم قصة حياتي بس مدري وش أسوي مع التعب اللي فيني؟؟
الروابط المفضلة