مين تعرف د.شريف دربالة؟ ضرورى بسرعة

[ريناملاك]

يا بنات دى تانى مرة اكتب عن نفس الموضوع
انا كنت سالت قبل كدة عن د.شريف دربالة و هل هو كويس و لا لا
و البنات الله يخليهم ماقصروش معايا بالعكس
شكروا لى فية جدا (بس بردة خايفة يكون زى سعيد التهامى)
المهم دلوقتى انى اكتشفت انة بيروح اماكن تانية غير العيادة بيقولو بيروح مستشفى الندى اللى فى المنيل
المهم هو فى العيادة حاليا بيعمل السونار الرباعى ب500 ج
اللى تعرف مكان اخر بيروحة د.شريف بيعمل فية سونار تقولى فين و بكام و ياريت لو رقم تليفون المكان اللى عملت فية سونار عند د.شريف دربالة
ارجوكم بلاش طناش المرة دى موعدى اقترب و لكم جميعا كل الشكر
ريناملاك

[ملك المالكى]

رينا اتكلى على الله حبيبتى
ليه متترددة كدة
بصى هو السونار الرباعى عموما غالى جدا ومكلف
بس مهم فى الحالات لو فى شك ان الجنين يكون فى اى مشكلة لا قدر الله هو احسن وسيلة تتاكدى بيها ان الجنين كويس
فلو مهم بالنسبة لك الخطوة دى اعمليها فى اى مكان معاه وخلاص

[ريناملاك]

ملك يا حبيبتى ازيك
انا مش مترددة يا حبيبتى انا عارفة ان السونار الرباعى غالى
و عملت مرة فى اول الحمل و كانت ب250 ج بس الدكتور طالبها اكتر دقة
و علشان كدة هو طلب شريف دربالة بس هو طلب منى اروح لسعيد التاهمى الاول
و انت عارفة لما رحت لسعيد لم استفد اى استفادة حتى فى نوع الولادة بردة ولدت قيصرى مع العلم لو كان هو قال ان حالة البيبى مش كويسة كنت هولد طبيعى و مافيش داعى للجراحة و بناءا علية انا هولد قيصرى تانى يعنى مافيش اى استفادة
ومع العلم انى عملتها السنة اللى فاتت ب300 ج عند سعيد التهامى مع ان سعرها كان فى رين 200 ج بس وقتها قلت مش مهم طالما هو متمكن اوى كدة المهم نتطمن
انا بس عايزة اعرف اذا كان شريف بيروح مكان تانى غير عيادتة جايز يكون بيعملها ارخص من كدة فى اى مستشفى تانى
ربنا يسهل و الاقية بيعملها فى مكان تانى ارخص

[ريناملاك]

يعنى فى 11 واحدة دخلو يتفرجو على الموضوع مع ان الموضوع باين من العنوان
يعنى داخلين يعملو اية يتفرجو عالتنسيق؟؟؟ دة مافيش واحدة هان عليها تدعى لى اقوم بالسلامة انا و البيبى دة اية البخل دة

[meroo2006]

هاى رينا

انا روحت للدكتور شريف دربالة من حوالى سنة و كشفت فى المركز بتاعه اللى فى الدقى وعملت سونار رباعى لانى كنت فى حالة اجهاض وكنا عايزين نعرف سببه ايه........وهو فعلا شاطر اوى والكشف وقتها كان ب 350 جنيه...........

بس انا ماعندبش فكرة لو بيعملها فى مكان تانى ولا لا؟؟؟؟؟؟؟بس رايى الافضل تروحى المركز بتاعه لان فيه الجهاز بتاعه هو وده اكيد هيكون ادق واحسن من اى مكان تانى...........

ربنا يقومك بالسلامة انتى والبيبى............

[QuEeN]

ان شاء الله يارب تقومي بالسلامة ياريت كنت اقدر افيدك ...بس حبيبت ادعيلك انه يارب تشوفي ابنك
و هو في احسن صحة و تفرحي فيه يااااااارب.

[z84]

الله يسهل عليكي ويرزقك بطفل سليم معافى وتفرحون فيه ان شاء الله

[ورده مصريه]

رينا ربنا يقومك بالسلامه يا حبيبتى وتشوفيه طفل جميل معافى ز.. مع الأسف انا معرفش الدكتور ده والا كنت افدتك ........... ههههههههههه وبالراحه علينا بلاش تتخناقى كده معانا