السلام عليكم و رحمة الله و بركاته
إذيكم يا بنات .... عاملين إيه ؟ يا رب تكونو كويسين
أنا قلتلكم قبل كده أني أجهضت من أسبوعين
أنا الحمد لله راضية بقضاء الله و صابرة و محتسبة عنده سبحانه
بس النهاردة بدوس على صدري لقيته بينزل لبن و بصراحة لقيت نفسي زعلت أوي
والشيطان خلاني أفكر أني هدخل تاني في دايرة الدكاترة و الأدوية و إنتظار الهانم لما تشرف كل شهر اللي قعدت أدور فيها 3 سنين
أستغفر الله العظيم .... أستغفر الله العظيم ....
أنا كنت قاعدة مضايقة أوي و مش عارفة أنام من الضيق قلت أقوم أفضفض معاكم شوية و كمان أطلب منكم أنكم تدعولي دعوة صادقة أن ربنا يرزقني و يعوضني
أنا بستريح لما بتكلم معاكم علشان أكيد أنتو هتحسو بيا علشان حالكم من حالي و زي ما بيقولو ما يحسش بالنر إلا اللي كامشها
اللهم يا عظيم يا حنان يا منان يا مالك الملك ذو الجلال و الإكرام يا قريب يا سميع يا مجيب الدعاء أسالك أن ترزقنا جميعاً بالحمل الثابت كامل الخلق و الخلقة عاجلاً غير آجل .. آمين يا رب العالمين
الروابط المفضلة