الحمد لله و الشكر لله رب العالمين , اللهم ارزق كل مشتاقة و اكمل حمل كل اخت حامل علي خير و سهل ولادتها يارب و اهدنا صراطك المستقيم
اما بعد يا بنات , صلوا على النبي ,, !
انا كان اول سونار ليا من يومين وياااه ه ه ه مقولكوش كنت مستنياه ازاي و الله على احر من الجمر و بحساب الساعه و الدقيقة , كنت عايزة اشوف في حاجة جوه ولا لأ
و رحت و عملت السونار يا بنات , الرحم على الشاشة بشكلة المعروف و كيس الحمل باين و بسم الله ما شاء الله حبيبي جواه و الدكتورة شافت النبض و شاورتلي عليه , لحد كده تمام امال فين المفاجأة ؟؟ المفاجأة ان و الدكتورة بتدور على كيس تاني ما شاء الله لقيت كيس تاني !! بس صغير يا بنات اصغر من اخوه بشكل واضح بس سبحان الله فيه جنين و نبض !
انا ولله الحمد سعيدة بأي حاجة من عند الله , لكن انا نفسي ابني الصغنتوت اوي ده يكبر هو كمان و ربنا يكتبلي رزقهم , اية رأيكم ؟؟ حد شاف او سمع عن حاجة زي كدة بالنسبة لوجود بيبي كبير و بيبي صغير ؟؟؟
الروابط المفضلة