بسم الله الرحمن الرحيم
اختى الغالية
لانى من دبي ( عمرها الله ) ..والله سويت لج بحث عن احسن مستشفي بالرياض والبنات الله يحفضهن خبرونى ان اسم المستشفي هى
المواساه
وهاى كانت ردودهن حياهن الله واياكى
******.....******
(1)
هلا اختي عمتي ولدت فيه تقول من ناحية غرفة الولادة حلوه خياطتهم نفس الشي زينة لكن الغرفة ما بعد الولادة عادية الولادة عندهم بـ 3500 ويعتبر افضل من التأمينات بكثير لان الاطباء عندهم اغلبهم ممتازين اي سؤال انا حاضره ؟
(2)
هلا حبيبتي بصراحه المستشفى والعنايه فيه حلوه انا ولدت فيه بنتي البكر وان شاء الله حاطه في بالي ولادتي الثانيه عندهم الله يرزقني الذريه الصالحه وفيه طبيبه استشاريه اسمها امل نوح بصراحه يدها خفيفه في الخياطه هي الي ولدتني لان ملفي عندها وطلبتها وجت وولدتني والحمدلله بيسر وسهوله وكله طبعن بعد تسهيل رب العالمين
(3)
اختي .. أنا ولدت فيه وكنت اراجع بعد عندهم عند الأستشاريه أمل نوح .. جداً رائعة بس أنا تعسرت ولادتي ولدت قيصري بس نفسها دكتوري أمل نوح كانت معاي طول فترة الولادة والطلق ثلاث ايام وبعدها عملت لي قيصري بس خياطتها جدا رائعة تخلي عمليتها مو باينه وغير كذا سواء ولدتي طبيعي او قيصري ينضفونك وتطهرين بدري في النفاس , وبنات عمي 3 ما يولدون الا عندها في المواساة ,, ممرضاتهم رائعات وبشوشات وأنفسهم زينة . بس غرفهم هي اللي عادية . الله يسهل عليك , ولا تقلقي كله بيد ربي .
(4)
لا تقلقي .. كل شيء بيد رب العالمين وهم ما لهم اي دخل كله من رب العالمين , ولدت ولدي عندهم والحين حمره سنه وشهرين تقريبا .. كانت أمل نوح مو موجودة ونادوها وجت ع طول ما طولت .. وظلت موجودة في المستشفى كل ساعة تشيك معاي .. واللي جالسه عندي دكتورة اسمها رغد جدا ممتازة وهذي مخيطه بنت عمي روعه لأن بنت عمي ولدت طبيعي , بس أنا تعسرت ولادتي حيث ان جلست ثلاث أيام أخرتها قيصري بس أمل موجودة .. انت وكلي أمرك لرب العالمين .
الله يسهل عليك ويخلصك خلاص حسن .
(5)
انا ولدت بالمواساة ...واعجبني صراحة من دكتورات وممرضات وعمال نظافة خخخخخخخخ
انا اراجع عند امل نوح وعدها سافرت وحولتني عند منال وبرضو منال نفسها زينة وتاخذ وتعطي معك
اما بالنسبة لوقت الولادة كانت تشيك علي كل شوية وتتصل علي وتتطمن ...
ووقت الولادة كانت القابلة هي اللي تولدني والدكتورة منال فوق راسها تتابع الوضع...
والحمدلله بفضل الله وكرمه ولدت وللي خيطتني مو منال الدكتورة ندى(القابلة)تحت اشراف الدكتورة مناااااال ....وسلامتكم
واتمنى اني افدت صاحبة الموضوع...والله يسهل.......
(6)
انا والده فيه صراحه عنايتهم حلوه ماشاء الله ونظيفين00 وانا ولدت طبيعي الحمدلله بس بطلق صناعي
لان موعد ولادتي فات وانا بصراحه كنت اراجع باليمامه وقالولي تعالي نولدك بطلق صناعي تاخرتي
بس سبحان الله ماارتحتلهم وصخييين وزحممممه بعدين رحت للمواساة ولدت عندهم
وخياطتهم حلوه انا خيطون على جوه يعني ماشفت خيوط ولا شي والدكتوره اللي ولدتني هي امل
بس انا ماطلبته جت كيذا حظ والممرضات بعد ماشاء الله يمسكون ايدك ويدخلونك الحمام الله
يكرمك .....
(7)
والله كذا وحده تمدح نظافتهم والممرضات طيبات بس الافضل تروحين قبل للعيادة وتتفاهمين معهم على الولاده وبالمره يخلصون لك التحاليل علشان مايسوون لك تحاليل اثناء الولاده وفيه خصم للمدرسين تكون الولاده 2800 لمدة يومين والغرف خاصه ونظيفه
_________________________________________
هادول كانو ردود واراء النساء اخوتج واخوتى في الله اللواتى جربن الولادة بها المستشفي ...
انشالله اكون افادتج يااارب وانشالله ربي يتمم ولادتج بخير ويسر ويرزقج بالطفل الجميل مرررررة الهاديء السليم المعافي .. اللهم آمين
الروابط المفضلة