الحمدلله ليلي الاستفراغ وقف .. بس باقي الاسهال بس اهون من يوم الاربعاء مسكينه كان كانه موية حبيبتي ..
رحنا المستشفى وحطوا لها مغذي برجولها وهي تصيح وانا اصيح معها وبعدين اخذوا منها 5 عينات دم من اصبع يدها مسكينه غشت من الصياح وانا انهرت نفسيا وزوجي يقولي لا تصيحين بعدين تفهم عليك ما قدرت اشوفها بهالمنظر حبية قلبي .. المهم من بكرة الخميس واقوم الساعه 6 الصبح وانا يجيني اسهال تكرمون واستفرااااغ وطحت كذا مافيني حيل مسكين توهق فينا زوجي .. رحنا عالمغرب المستشفى ولا درجة حرارتي 48.5 عطوني خافض حرارة وطلع معاي فايروس انعديت من ليلي او من ابوها .. واخذوا عينة بوو من ليلي عشان يعرفون ايش سبب الاسهال ليش ما وقف كانوا خايفين يكون معها فايروس الروتا بس الدكتور عارف انه مطعمها بس in case .. الحمدلله طلعت نتيجة التحليل سليمة ..
ميمي .. الخضار المثلجة مافيها مواد حافظة .. زي الخبز لما تحطينه بالفريزر عشان يقعد معاك كم شهر .. نفس الفكرة .. انا اشتري ماركة العملاق الاخضر لانه اغلى نوع .. انا ليلي ما حبت غاربر عشان كذا اسوي لها في البيت ..
شيشن روز .. الله يسلمك حبيبتي .. بالنسبة للمشايه ما فيها خطر ان شاء الله .. عموما اذا كنتي ساكنه بشقه (يعني ما عندك درج فما في اي خطر) بس اذا كان عندك درج انا مشترية لليلي مشاية ماركة safety 1st من تويز ار اص يكون من تحت فيها زي مستطيلات عشان اذا جت عند درجة تقوم تمسكها وتمنعها من انها تطيح باذن الله ..
سمايل فور لايف .. مشكورة حبيبتي ان شاء الله ياربي تتشافى والله مقطعه لي قلبي حبيبتي ..
كاريزماتيا .. مبروووك .. انا لما صار عمر بنتي شهر بديت اروشها لان نفس الشي امي كانت تروشها عني وامي كانت واقفه فوقي وعلى اعصابها ههههههههههههه ايام الحين لما اروشها تجنني عشان كذا اشتريت لها مسبح عشان هي تروش نفسها ..
احاسيس .. الله يسلمك ياقلبي .. والله الحمدلله الاسهال نوعا ما احسن من امس واللي قبله (لانها ما تاكل شي اساسا) اسوي لها رز مصري مع بطاطا مسلوقه وجزر ما ترضى تذوقه تدفه بيدها .. اعطيها موزه تدفها بيدها .. تفاحه
.. الشي الوحيد اللي رضت تاكله هو يسكوت الشاي مع شاي بس عاد دكتورها قالي احسن من ولا شي .. واحط لها بموية الحليب موية رز عشان تمسك بطنها شوي .. والله معاناة قاعده اتذكر لما حمودي تعب .. تخيلي ما تمر ساعتين بالكثير الا ولازم اغير حفاظتها .. وتشوفيني احط لها سودو كريم بالهبل اخاف تتسلخ عورتها ..
الصراحة صور الحفلة تجنننننننننننننننننن .. ما شاء الله عليك مره متحمسه
.. انا افكر اني ما اسوي لليلي حقلة كبيرة (كيكة وبس) لان كل خواتي يتحمسون باعياد ميلاد اطفالهم الاول وهم ما يدرون وشو السالفه لا ويصيحووون ههههههههههههههه اذكر نقول لهم هف هف (عشان يهفون الشمعه يقومون يصيحون ولا توخر وتروح) واصلا بيكون عرس اخوي قبلها بيومين فاكيد بنكون مشغولين بالعرس ..
اريماس .. هلا فيك معنا
انتي من وين ؟؟
....
صح قريت كل وحده كاتبه ايش تخصصها .. انا بكالوريوس ادارة اعمال تخصص ادراة منشآت .. وافكر اكمل ماستر او اشتغل بس بعد اجازة الصيف ان شاء الله ..
الروابط المفضلة