اخواااااااااااتى ....حبيبااااااااتى .... صديقاااااااااااااااااتى
وكل حيااااااااااااااااااتى
اولا انا اسفة جدا انى زعلتكم واحبطتكم بنتجتى
ثانيا انا مش عارفة اشكركم ازاى وقد ايه على وقفتكم معااااااااااااايا ودعوااااااااااتكم ليا
ياااااااااااارب يجعله فى ميزاااااااااان حسناااااااااااتكم ويرزقكم اضعاف ما طلبتولى
نيجى للمهم
اللى حاطه جوزها ع الناااااااااار او العياااااااااال فى الغسااااااااااالة تروج تشيلهم عشان الموضووووووووووع طووووووووووووووووويل وعاوزة قعدة
بصوا بقى
انا فى يوم 28 من فبراير عملت الارجاع
وقعدت فى انتظااااااااااااار النتيجة الموعووووووودة يوم 11/3 وانا معشمة نفسى ان اكييييييييد ربنا مش هيخيب ظنى ومش هيرد دعاااااااائى ودعاء زوجى ودعواتكم ليا
ويوم 9 مارس كان اليوم العاشر من الارجاع ده كدة اقل يوم ممكن اعمل فيه تحليل واحتمااااااااال يبان واحتمااااااااال لا بس قلت اعمله يمكن الاقى حاجة تفرح
وجبت كليييير بلووووو ولقيتنى بصحى لوحدى مع اداااااااااان الفجر
روحت عملت التحليل
افاجا بعلامة بلاس "+" يعنى
يعنى النتيجة ايجاااااااااااااااابية
وريتها لجوزى قعد يشككنى فى نفسى وانا اصلا زى ما تقولو خفت اصدق فلغيت الاختبار من دماااااااغى وكان لم يكن وكانى معملتوش
وقلت لجوزى وهو جاى تاااااااانى يوم اللى هو يوم 10 يجبلى اختبار بس يكون ادق حاجة فى الصيدلية
راح الصيدلية ملقاش غير اختباااااااار عاااااااااادى جدا
انا قلت ده ختبار شكله عبيييييييييييييط اكييد عمره ما هيبين
وعشان كدة مهتمش اعمله ببول الصباح ولا بول مركز عملته فى السريع كدة بعد الغدا
وافاجا بخطييييييييييييييييييييييييييين حمر يسدو عين الشمس
قلت لجوزى لا بقى مبدهاش
انا حااااااااااااااااااااااااااامل
تانى يوم فى ميعاد التحليل
صحينا براحتنا ع الاخر " نستعجل ليه ؟؟؟؟" ههههههههههه
وروحنا المركز داخلة باتسامة تعلو وجهى و الممرضات يقولو لى ربنا معاااااااااااااكى وانا ابصلهم نظرااااااااااااااات " من فوق لتحت " ههههههه قال يعنى مضمنة قووووووووووى
وقالولى النتيجة بعد ساعتين
اعمل ايه فى الساعتين دوووووووول اعمل ايه فى الساعتين دوووووووووول ياربى
ااااااااااه قولت لجوزى يودينى المول
اشترى لبس جديد يتلائم مع المرحلة الجديدة
وروووووووحت اشتريت شوية حاجات كلها مقاس وااااااااااسع طبعا " ما انا حااااااااااااااااااامل بقى "
ورجعت المركز استنى حد ياخدنى بالحضن
حد يضحك فى وشى حتى
ابداااااااااااااا
فين يا جماعه النتيجة
عند الدكتووووووووووور
طب هى ايه النتيجة
الدكتور هيقولك كل حاااااااااااااجة
طب فين الدكتوووووووووووور
لقيته خارج بنفسه وجى قعد جنبى
وقعد يسالنى انتى بينزل عليكى دم قلتله لا
قالى عموما احنا لسه عندنا امل
خليكى ع المثبتات ونعيد التحليل تااااااااااانى كمان يومين يمكن يكون لسه الاجنة ملحقتش تمسك
وانا حسيت فجاه انى اتنقلت لفيلم هندى من بتووووووع احنا عملنا اللى علينا ضحينا بالام عشان الممرضات يعيشو
طب هى كام نسبة الهرموووووون
1.9
يالهوووووووووووووووووووووى
ده الهرمون قبل الدورة بيوصل ل 3 وساعات 5
هههههههههههههه امل ايه ده بقى
استعوضت ربنا وخرجت من المركز
وجيت بلغتكم بالنتيجة
انا فى بالى انا كنت دعيت ربنا يختارلى من الاجنة دى من كان منهم صالحا تقيا بارا
قلت طالما ربنا ماخترليش ولا حد فيهم
اكيد العيال دى كانت اخلاقهم مش ولابد كلهم
وتذكرت قصة الولد اللى دبحه الخضر فى سورة الكهف
وقلت الحمدلله على كل شئ
لكن طبعا زى ما قال الرسول عليه الصلاة و السلام" العين تدمع و القلب يحزن ولا نقول الا ما يرضى الله"
لقيت دموعى بتنزل منى بدووووووووووووون توقف
دموووووووووووووع من غير بكا او صرااااااااااخ او حاجة تقريبا منمتش
طول الليل عينينا مفتووووووحة وبتنزل مووووووووووع لا ارادية مش قادرة اسيطر عليها
جوزى حاب يواسينى قعد يقولى لسه فى امل وجابلى اختبارين كلير بلو الرقمى اللى بيكتب كلمة " بريجننت"
انا فى عز الياس
فتحت علبه التيستر واخدت واحد وقلت اجرب مرة اخييييييييييييييييييرة
والاقيلكم ااختبااااااااااااااااار بيكتب بريجننت
مخى لف ومكنتش عارفة اعمل ايه
للحظة فكرت افرح
وبعدين افتكرت ان تحليل الدم الرقمى هو الادق
وافتكرت الحادثة الشهيرة بتاعتى بتاعت التيستر اللى حطيتلكم صورته قبل كدة هههههه اكيد فاكرين
وكان باين فى خطين رغم انى مفيش حمل ولا فى امل حمل طبيعى من اساسه ههههههههه
وبالصدفة كنت بكلم لولا قريب وجت سيرة الاختبار ده وقلت لها ازاى يظهر فى البول ايجابى
قالت لى ان فى حاجة اسمها الحمل الكيميائى بيظهر ايجابى فى البول لكن الحقيقة ان مفيش حمل و الدليل هو اختبار الدم
وافتكرت ان ريومة حصلها موقف زى ده قبل كدة من فترة قريبة
وطلع تحليل الدم هو الصح
كلمت الدكتور قالى استنى يومين برضه وعيدى التحليل فى مركز تااااااااااانى غير بتاعنا
بصرااااااااااااحة مكنش عندى اى امل
لو تعرفو ازاى مرو عليا اليومين دووووووووووول
خلصت كل الدمووووووووووع اللى عندى
وروحت يوم 13 اعمل الاختبار فى المركز الجديد وانا متاكدة انها سااااااااااااااااالبة
وطبعا الساعة اللى بتظهر فيها النتيجة
استغليها ورجعت الموووووووووووووول بدلت الهدووووووووم اللى اشترتها دى وجبت مقاااااااسى المظبوووووووووط هههههههه
وجوزى يا عينى مطاوعنى اجيب هدوم وابدل هدوم لففته على كل المحلات اللى اشترينا منها ورجعت كل الهدووووووووووم وهو ساكت مش راضى يزعلنى رغم ان اكتر حاجة بتخنقه فى الدنيا هى اللف فى محلات اللبس والمولاااااااااات
رجعنا نستلم النتيجة
البنت بتاعت المركز اديتهالنا فى ظرف مقفوللللللللل مش مكتوب عليه اى حاااااااااااجة
استلمنا الظرف كاانننا اخدين طرد متفجرااااااااااااااات
ومقدرناااااااااااش حتى نفتحة
وفى العربية
يتبع انتظرونى
الروابط المفضلة