ربنا يدينا جميعا ساعة سهلة ان شاء الله و نقوم كلنا بالسلامة و نفرح باولادنا و بناتنا انشاء الله
هي اكيد فيها الم و بهدلة بس كله بيتنسي لحظة ما بتشوفي النونو... يا رب يفرحنا كلنا برؤية ولادنا في اتم صحة يا رب و أحسن حال
انا ان شاء الله هاولد لتاني مرة
أول مرة كنت باولد طبيعي بس ابني كان وضعة مقلوب و فشلت كل المحاولات و الاخر ولدت قيصري ببنج نصفي و شفته أول ما الدكتورة خرجته بجد كان احساس تاني" ورغم انه توفي لمرض بقلبة بعد 25 يوم ربنا يكفينا و يكفيكم يا رب شر الامراض و يرزقنا جميعا أطفال معافاه يا رب العالمين" بس هي اكيد لحظة مش ممكن أنساها.... و الحمد لله من قبل و من بعد... اللهم لك الحمد كما ينبغي لجلال وجهك و عظيم سلطانك
و احب اطمنكم و الله الولادة الطبيعي مش زي ما بيجيبوها في الافلام... أكيد فيها وجع بس تمرينات التنفس بتكون مفيدة جدا و طبعا اهم حاجة انك تذكري ربنا و تسأليه العفو و المغفرة و تدعي لنفسك و أهلك و تكوني هادية و ريلاكس و ربنا يكرمنا جميعا...
و بما اني والدة قيصري وولادتي الجاية ان شاء الله كمان قيصري فهي برضة مش وحشة صحيح الجرح بيكون مؤلم أول يومين بس الوجع بيروح بالتدريج و بصراحة الواحد بينزل يروح المستشفى بكرامته لابس و متشيك و على سنجة 100000 مش زي الطبيعي اللي بيجي على غفلة الواحد حتى مبيلحقش يغير هدومه
معلش طولت عليكم
كده ولا كده المهم النونو يشرف بالسلامه... يا رب نقوم كلنا بالسلامة ان شاء الله
الروابط المفضلة