السلام عليكم و رحمة الله و بركاته
كان موعدي مع الطبيبة عشان يعملو التراساوند ياخذو قياسات البيبي
طلع الي بيعمل الالتراساوند زلمة
رفضت بشدة وقلت ابدا بدي وحدة ست
قالو طيب بنجيب وحدة
اتخضيت الي جات كانت وحدة لساتها بتدرب يعني مش طبيبة متخرجة بتعمل ستاج بس
قلت معلش ان شاء الله تكون مدربة منيح
المهم قعدت تسوي الالتراساوند
تاخذ دقات القلب و قياسات البيبي و انا اسالها
كلشي تمام تقولي كوووود افري تينك كود
اقول في خاطري ما شاء الله
قالتلي ار يو مسلم قلتلها اه
ردت قالت السلام عليكم سيستر
ههههه
طلعت هندية مسلمة الحمد لله
المهم قعدت 40 دقيقة تساوي بالاتراساوند و انا فرحانة و بدي طول كمان و كمان عشان بشوف البيبي بيتحرك و بحس فيه في نفس الوقت
و مرات يحط ايدو بتمو و مرات يحط ايدو على راسو
قولو ما شاء الله
المهم ما ضل الا قياس رجل وحدة هي تجي شمال البيبي يروح يمين
هي بتيجي يمين البيبي يروح تحت تنزل تحت يطلع لها فوق
قالتلي جنني مش عارفة امسكو
و هو يا حرام حبة عيني ما بدو حدا يشوفو
انا قلت شكلي حامل في بنت تستحي تبان في الكمرا ههههه
المهم قالتلي سوري لازم انادي الطبيب لاني تعديت الوقت المحدد
و البيبي بيتحرك كثير ما شاء الله
قلت طيب مدام عملت الي عليا و طلعت الست مش عارفة و مفيش غير الطبيب هاد خليه يجي ياخذ القياس
المهم اجا البيبي بيتحرك و هو يحرك ايدو بسرعة عشان ياخذ المقاس هههه
و بالاخر بيعلمها للبنت و يقولها كيف لازم تمسك الجهاز لو كان البيبي كثير الحركة و سالها
شو هو جنس الجنين
عشان يعرف هي بتفهم و لا لأ
قامت قالت اتس اغرل
انا بسمعهم
قام قالها اتس اببوي
قالت لا دكتور هاي بنوتة
قالها تعالي تشوفي و حط الالتراساوند و قالها اطلعي
قالت اوووووو ياس اتس ابووووووووي
و انا فرحت و قلت احساسي و احساس زوجي طلع في محلو
مع اني مكنتش عاوزة اعرف بس سمعتهم شو اعمل
يلا قولو ما شاء الله
و ادعولي يكون من الصالحين و يكون من حفظة القران
نفسي كان في ولد و ربي رزقني الولد
الروابط المفضلة