عزيزتى ألف مبروك على البنوتة الله يبارك لك فيها .
هى ام لمى ولمار كفت ووفت بس انا حبيت انى اقول لك ان فعلا ما فيش افضل من الرضاعة الطبيعية لك للبيبي . زبالنسبة لقلة اللبن انت لازم تشربى على الأقل 3 لتر سوائل فى اليوم لاحظى كلامى على الأقل يعنى يفضل اكثر من كدة لتر ماء ولتر لبن ولتر عصير ويفضل العصائر الحمراء زى العنب الأحمر , التوت , الفراولة الكريز , واكل الأرز والكسكسى والمكرونة بيزيد اللبن .
و لو كنتى عايشة فى مصر هناك نوعين من الأقراص بتساعد على زيادة اللبن
الأول اسمه هيربانا
الثانى اسمه لاكتو ماكس
انا جربت الأثنين بس حسيت ان الثانى اعطانى نتيجة افضل
اه نسيت اقول لك عن تشققات الحلمة .... لو انت عايشة فى مصر اشترى ( جنتيانا ) الزرقاء عارفاها ؟ وحطيها على الحلمة بعد الرضاعة وكمان استعملى كريم بانثينول مش عارفة الأسم صح ولا لأ بس انت قولى للصيدلى علشان تشقق الحلمات زبرضا ادهنيه بعد كل رضعة و طبعا قبل الرضعة التالية تغسلى الحلمة من الجنتيانا و الكريم .... ولو كان فيه ألم فى الحلمة اثناء الرضاهة ممكن تستعملى الحلمات الصناعية تباع فى الصيدلية علشان تساعد على اندمال التشققات بسرعة .... على فكرة كل اللى انا كتباه دة مش من تأليفى لأ دة كل اللى قالته لى الطبيبة عندكا كان عندى تشقق فى الحلمات
الروابط المفضلة