السلام وعليكم ورحمة الله وبركاته ..

شلونكم يا بنات ..
حبيت أسلم عليكم جميعا .. وأشارككم بهذا الموضوع
بس محتاجة توجيهات من كل وحده بدأت بتجهيزات البيبي
تعلق على تجهيزاتي .. وإذا في اضافات أو زيادة بعدد معين من الأغراض
وتقول من وين شرتهم .. أان حبيت أستفيد وأفيد كل الحوامل الموجودين بالكويت ..

الموضوع إنشاءالله يكون متجدد ...

طبعا انا بدأت امس بتجهيزات البيبي .. كنت مجمعه معلومات من المنتدى هني.
وسجلتهم .. حاولت كثر ما أقدر اني ما أنسى ولا شي..

......

1- سرير البيبي
نصيحة يا بنات .. انا عملت جولة قبل ما أشتري..
المجموعة اللي عند لاند مارك حلوة .. بس مكلفة واااااااااايد .. وبدون لحاف أو مخدات
رحت سيتي سنتر السالمية .. لقيت نفس الموديلات وخشب ممتاز .. مع كامل غطاء السرير واللحاف المخدات بنص السعر ... هذا للنصيحة ...

وصلتني هدية من أختي.. بانيو البيبي مع مفرش ومخده عشان ما يزلق البيبي من مذركير مع اسفنجة طبية لمسح جسم البيبي ..

من لاند مارك :

2- اشتريت فوطة للسباحة مع كبوس ( بس وحده هل أحتاج ازيد عليها ) ؟؟؟
3- مجموعة مناشف صغيره مربعه عدد 12 منشفة ..
4- منشفتين وحده حجم صغير .. ووحده حجم وسط .. من نفس اللون .. انتي تختارين المجموعة اللي تبينها موجوده بكامل أحجامها ..
5-اشتريت طقم ... شنطة أغراض البيبي حجم كبير .. مع الغطاء الكامل للبيبي عشان اذا بطلع وأوديه بيت اهلي أو اهل زوجي
6-بالنسبة للبجامات .. انا ولادتي بتكون في شهر 2 يعني برد .. أخذت وحده مخمل ...
و ثلاث بجامات قطن مسكره من الأرجل طقم كامل .. مع الصداري والفنيله الداخليه والكبوس والكفوف..
وزودت 3 كبابيس زيادة ألوان مختلفة .. بس اللي ما كثرت منه الكفوف مالت الإيد ..
وزودت عدد 3 أشكال من الجوارب
هل هذا كافي ... ؟؟ أو ازود من المخمل والكفوف والجوارب .. ؟؟ طبعا المقاس .... new born
7- فنايل القطن .. اخذت مجموعة طقم عدد 7 نص كم ..
ومجموعتين مختلفتين بالألوان مجموعة زرقا ومجموعة بيج كل وحده فيها 5 قطع .. حفر
8- المهادات شريت 6 قطن .. كافي أو أزود .. ؟؟؟
9- شريت لحاف واحد ثقيل للبرد .. اهلي قالولي ما اخذ اكثر ممكن ايوني هدايا .. بعدين أزيد لو احتجت
10- شريت فوطة نايلون .. لو كنت طالعة افرشها وأغير للبيبي عليها عدد واحد بس هل أزيد او مو ضروري .. ؟؟؟
11- إسفنجة كبيره احط البيبي عليها في حال حبيت اغسله بسرعه بالحوض العادي..
12- شريت رضاعتين .. وحدة كبيره ووحده صغيره ماركة Avent >>
Anti - Colic نصحوني فيها انها ما تيبب مغص للبيبي لانها ما تحبس الهواء فيها .. طبيه
( أحتاج أكثر أو كافي ) ؟؟؟؟
13-حلمات زيادة للرضاعات عدد 2 مقاس Small
14-ستاند بلاستيك لوضع الرضعات النظيفه ماركة Chico
15- سخانة حليب .. وايد عجبتني بس نسيت من أي ماركه خذيتها .. أعتقد Avent اذا ماني غلطانه
16- مقسم الحليب البلاستيك .. من 3 طبقات ..
17- مصاصه ( لهاية ) خذيت عدد 3 .. ماركة Avent
18-عدد 6 صداري غير اللي مع البيجامات .. هذولة نوع عملي اكثر للبيت مو للكشخه .. اللي جهه قطن والجهه الثانية نايلون ..
19- عدد 4 فوط للكتف عشان بعد ما يخلص البيبي شرب الحليب ما يوسخ ملابسي.. لانه لازم بعد الحليب اطبطب على ظهره..
20- جنطة كاملة فيها .. ( مقياس حرارة الكتروني.. مقراضة أظافر- شفاطة تنظيف الأذن - قطارة عشان يشرب البيبي الدوا منها .. نوعين وحده على شكل ملعقه ووحده قطاره عادية )
21- بروش ومشط للشعر ..
22- مجموعة جونسون للأطفال تشمل ( الشامبو والبودر وزيت الأطفال وسائل الاستحمام وكريم الترطيب ومناديل التنظيف علبة كامله )
23- شريت عدد 2 صابون جونسون واحد بالبابونج وواحد بالحليب ..
24- كلونيا للأطفال ..
25- قطن تنظيف الأذون ..
26-في كريم للحفاظ أنصح فيه عن استخدام اختي.. اسمه سودو كريم ..
27-قطن للصدر... عشان ما يوسخ الملابس من الحليب .. شريت علبه من 12 قطعه للمستشفى
ووحده 36 قطعه... للبيت .
28- مخده رضاعة للبيبي على شكل حرف U مريحة لرأس البيبي لما بيرضع .
29- كريم لتشققات الحلمات من الرضاعه .. ماركة Avent ...
30- مطاره خاصة للماي الحار عشان رضعات البيبي في حال بيشرب حليب صناعي .

الأشياء اللي ليلحين ما شريتها .. لاني ما ادري بحتاجها أو لا ..
* شفاطة الصدر للحليب .. مادري هل برضع طبيعي او صناعي يعتمد بعد الولاده أشوف بحتاجها او لا .. أو انتوا شنو رأيكم هل هي ضروريه بعد الولاده .. ؟؟؟؟
*خزانة من أدراج لأغراض البيبي بشتريها بداية التاسع ... مع ستيانات الرضاعة .. وملابس المستشفى من قمصان نوم او روب او بنطلونات ثقيله للبرد بعد الولاده .. ونعال للمستشفى .. ودلاقات صوف.. ودراعات استقبال بعد ما انزل من المستشفى عشان اللي بيباركولي بالبيت ..


أرجوا اني اكون افدت بعض الخوات .. وأتمنى انه اللي شرت زيادة عن اللي انا شريتهم .. تقوللي لانه انا حاسه في بعض الأشياء لازم ازود عددهم شوي..أو في أشياء ناقصه
منتظره الرد .. والمشاركه
والموضوع راح يفيد الكثير من الخوات حتى اللي بره الكويت ..

أتمنى لكل الحوامل ولاده سهله والله يهون علينا جميعا يااااااااااااااااااااارب

اختكم جوتشيااااااااا

أهلا أهلا جوتشيا كيييييفك وحشاني يا بنت ان شاء الله يارب تكوني بخير وكيف البيبي الله يهنيكي بيه يارب وتشتري أحلى شيء يارب ..

ان شاء الله بنات الكويت يفيدوكي لأني أولا ما عندي خبرة في هذا الشيء وكمان مو من الكويت ..الله معك حبيبتي..أنا دخلت بس على شان أسأل عنك لأنك من فترة كنت متضايقة شوي بس الظاهر انك عديتي هذيك المرحلة ..الله معك حبيبتي

عسي الله يسهل عليج يا قوتشياااا مابي اقول جوتشياااا

انتي خالصه يعني .. شاريه كل شي

والله انا من فتره خلصت اغراض ولدي ونسيت شنو شاريه

حتي الشامبووات والشاور جيل والكريمات خالصه بس اجهز جنطه المستشفي


الله يهون علينا جميعا ونشوف ذريتنا بخير وعارفه يالله

Ward وو NoOoRtY
مشكورين على مروركم .. والله اسعدتوني بالمشاركه ..
بس انا حبيت كل وحده تكتب شنو شرت للبيبي .. عشان نذكر اللي ناسيه شي..
لانه الموضوع ترا مو بس لي.. لأي حامل ممكن تدش تشوف الموضوع ..

مشكورين مره ثانية .. وحبيت اقولج يا Ward الحمدلله نفسيتي احسن وايد ..
اولا أعتقد لاني غيرت بيتي انتقلت شقه يديده ولاني شغلت نفسي بأمور ثانيه لازم انسى وضعي
وكلها ايام وتعدي انشاءالله.
الله يهل على وعلى كل حامل ياااااااااااااااااااااااااارب

ما شاء الله عليكي يا جوتشيا موضوعك مفييييييييييد كتير كتير وانا رح احفظه عندي واطبعه واخليه بالبيت عشان وقت التجهيز اشوفها واستفيد منها

وبالنسبة للاغراض ما شاء الله كافية وبالعكس ما بتحتاجي تزيدي عليها لان اكيد رح يجيكي هدايا

وبالنسبة لشفاطة الحليب مثل ما قلتي يمكن يرضع البيبي منك وما تحتاجي لها الا اذا حسيتي بعد الولادة انك بحاجتها ساعتها جيبيها

وبالنسبة للاغراض اللي ناقصتك مافيني افيدك فيها للاسف لاني لسه اول حمل الي وما جهزت لاني لسه بالرابع بس ان شاء الله الاخوات اللي جهزوا هون بالكويت يفيدوكي

يعطيج العافيه حبيبي والله فدتينا وايد
الله يسهل للجميع ونفرح بشوفت عيالنا يارب

كتبت بواسطة ملاك لبنان

ما شاء الله عليكي يا جوتشيا موضوعك مفييييييييييد كتير كتير وانا رح احفظه عندي واطبعه واخليه بالبيت عشان وقت التجهيز اشوفها واستفيد منها

وبالنسبة للاغراض ما شاء الله كافية وبالعكس ما بتحتاجي تزيدي عليها لان اكيد رح يجيكي هدايا

وبالنسبة لشفاطة الحليب مثل ما قلتي يمكن يرضع البيبي منك وما تحتاجي لها الا اذا حسيتي بعد الولادة انك بحاجتها ساعتها جيبيها

وبالنسبة للاغراض اللي ناقصتك مافيني افيدك فيها للاسف لاني لسه اول حمل الي وما جهزت لاني لسه بالرابع بس ان شاء الله الاخوات اللي جهزوا هون بالكويت يفيدوكي

حبيبتي .. الله يسهل عليج يارب.. ملاك وانشاءالله تعدي مرحلة الوحام نهائي.. انا بعد اول اسبوع من الرابع خفت حالتي .. حد ما انتهت في نص الرابع ..
حبيت بس اطمنك
وانشاءالله لما تبلشي تشتري للبيبي ... نطري تنزيلات لاند مارك افضل شي ..
ترا لاند مارك كل شهر او شهرين لازم تنزيلات .. انا نطرت بعد العيد ..
عقبال ما تفرحي بتجهيز اغراض البيبي ..
قوليلي انتي وين تراجعين أي مستشفى ؟

اول شي الله يسهل عليج ويقومج بالسلامه
وانا انصحج انه لا تكثرين من مقاسات new born
لان البيبي يكبر بسرعه بالنفاس اخذي له مقاس 0_3 احسن لج
والمميات اخذي له الزجاج اللي من بماركة بيجونو
Avent حلو الماركه انا استعملها حق بنتي حلو الحلمه اخذي المجموعه الكامله

وانا صراحه كل ماروح سنتربوينت اخذ لها مميه
والمصاصه اخذي لها من الصيدليه ترا مقاسات المصاصات انتبهي
اخذي جهاز التعقيم حق المميات
وستاند حق المميات
والله يسهل عليج الولاده يارب ويقومج بالسلامه انتي مع البيبي هذا اهم شي
جهزتي حقج للمستشفى والنفاس ولا للحين

كتبت بواسطة حنونةq8

يعطيج العافيه حبيبي والله فدتينا وايد
الله يسهل للجميع ونفرح بشوفت عيالنا يارب

الحمدلله اني أفدتك .. وأكون افدت الباقي يارب..
انا لحد الحين حاسه اني يبت أغلب اغراض البيبي المهمه ..
لو عرفت اي شي زيادة راح اضيفه على الموضوع ..

مشكورة والله يسهل علينا كلنا ويرزق كل محرومه يارب..

كتبت بواسطة ام غزلان

اول شي الله يسهل عليج ويقومج بالسلامه
وانا انصحج انه لا تكثرين من مقاسات new born
لان البيبي يكبر بسرعه بالنفاس اخذي له مقاس 0_3 احسن لج
والمميات اخذي له الزجاج اللي من بماركة بيجونو
Avent حلو الماركه انا استعملها حق بنتي حلو الحلمه اخذي المجموعه الكامله

وانا صراحه كل ماروح سنتربوينت اخذ لها مميه
والمصاصه اخذي لها من الصيدليه ترا مقاسات المصاصات انتبهي
اخذي جهاز التعقيم حق المميات
وستاند حق المميات
والله يسهل عليج الولاده يارب ويقومج بالسلامه انتي مع البيبي هذا اهم شي
جهزتي حقج للمستشفى والنفاس ولا للحين

حبيبتي والله نورتيني بمشاركتج ..
بالنسبه للملابس انا ما كثرت وايد نيوبورن .. المجموعة اليايه راح اشتري من صفر الى 3 مثل ما قلتيلي جزاج الله خير ..

بالنسبه للمميات .. انا ما خذيت المجموعة كامله .. خذيت من نفس الماركه اللي قلتي عليها مميه صغيره وممية كبيره .. حتى الجذابه ( اللهايه ) بعد نفس الماركه
احتمال اخذ الكاملة احسن لي بالجنطه اللى بالصورة ..

اغراض المستشفى ليلحين ولااااااااااااا شي... اساسا مو عارفه شنو احط بجنطة المستشفى ..
اغراض النفاس امي مجهزتلي برنامج كامل يحليلها الله يخليها لي ويخليلكم امهاتكم يارب..

مشكورة حبيبتي والله يخليلج بنتج ويحفظها